10.53C Vancouver 10.53C VancouverSep 3, 2024 4:42 PM - The Associated Press
ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਸੋਮਵਾਰ ਰਾਤ ਦੋ ਦਿਨਾਂ ਦੇ ਦੌਰੇ ’ਤੇ ਮੰਗੋਲੀਆ ਪਹੁੰਚੇ। ਇੰਟਰਨੈਸ਼ਨਲ ਕ੍ਰਿਮਨਲ ਕੋਰਟ ਨੇ ਮੰਗੋਲੀਆ ਸਰਕਾਰ ਨੂੰ ਪੁਤਿਨ ਦੀ ਗ੍ਰਿਫਤਾਰੀ ਦਾ ਹੁਕਮ ਦਿੱਤਾ ਸੀ ਪਰ ਉਨ੍ਹਾਂ ਨੂੰ ਇੱਥੇ ਗਾਰਡ ਆਫ਼ ਆਨਰ ਨਾਲ ਸਨਮਾਨਿਤ ਕੀਤਾ ਗਿਆ।
ਪੁਤਿਨ ਦੀ ਗ੍ਰਿਫਤਾਰੀ ਦੇ ਹੁਕਮਾਂ ਨੂੰ ਨਜ਼ਰਅੰਦਾਜ਼ ਕਰਦਿਆਂ ਰਾਜਧਾਨੀ ਉਲਾਨਬਾਤਰ ਵਿਚ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ ਅਤੇ ਹਰ ਪਾਸੇ ਮੰਗੋਲੀਆ ਅਤੇ ਰਸ਼ਿਆ ਦੇ ਝੰਡੇ ਸਜਾਏ ਗਏ।
ਮੰਗੋਲੀਆ ਇੰਟਰਨੈਸ਼ਨਲ ਕ੍ਰਿਮਨਲ ਕੋਰਟ (ਆਈ.ਸੀ.ਸੀ.) ਦਾ ਮੈਂਬਰ ਦੇਸ਼ ਹੈ ਅਤੇ ਇਸ ਨੇ ਮਾਰਚ 2023 ਵਿਚ ਪੁਤਿਨ ਖਿਲਾਫ ਅਰੈਸਟ ਵਾਰੰਟ ਜਾਰੀ ਕੀਤਾ ਸੀ।
ਪੁਤਿਨ ਨੂੰ ਯੁਕ੍ਰੇਨ ਵਿਚ ਬੱਚਿਆਂ ਦੀ ਕਿਡਨੈਪਿੰਗ ਅਤੇ ਡਿਪੋਰਸ਼ਨ ਦੇ ਦੋਸ਼ਾਂ ਨੂੰ ਲੈ ਕੇ ਜ਼ਿੰਮੇਵਾਰ ਠਹਿਰਾਇਆ ਗਿਆ ਸੀ। ਆਈ.ਸੀ.ਸੀ. ਨੇ ਮੰਗੋਲੀਆ ਸਰਕਾਰ ਨੂੰ ਪੁਤਿਨ ਨੂੰ ਹਿਰਾਸਤ ਵਿਚ ਲੈਣ ਦਾ ਹੁਕਮ ਦਿੱਤਾ ਸੀ। ਪੁਤਿਨ ਵਾਰੰਟ ਜਾਰੀ ਹੋਣ ਮਗਰੋਂ 12 ਦੇਸ਼ਾਂ ਦੀ ਯਾਤਰਾ ਕਰ ਚੁੱਕੇ ਹਨ ਅਤੇ ਇਨ੍ਹਾਂ ਵਿਚੋਂ ਕਈ ਦੇਸ਼ ਅਜਿਹੇ ਹਨ ਜਿਨ੍ਹਾਂ ਕੋਲ ਉਨ੍ਹਾਂ ਨੂੰ ਹਿਰਾਸਤ ਵਿਚ ਲੈਣ ਦੇ ਹੁਕਮ ਨਹੀਂ ਸਨ।
