14.18C Vancouver 14.18C VancouverJun 19, 2024 6:31 PM - Connect Newsroom
ਟੀ-20 ਵਰਲਡ ਕੱਪ 2024 ਦੇ ਸੁਪਰ-8 ਰਾਊਂਡ ਦੇ ਪਹਿਲੇ ਮੈਚ ਵਿਚ ਅੱਜ ਸਾਊਥ ਅਫਰੀਕਾ ਨੇ ਐਂਟੀਗੁਆ ਦੇ ਸਰ ਵਿਵੀਅਨ ਰਿਚਰਡਸ ਸਟੇਡੀਅਮ ਵਿਚ ਅਮਰੀਕਾ ਨੂੰ 18 ਦੌੜਾਂ ਨਾਲ ਹਰਾ ਦਿੱਤਾ।
ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਸਾਊਥ ਅਫਰੀਕਾ ਦੀ ਟੀਮ ਨੇ 4 ਵਿਕਟਾਂ ਦੇ ਨੁਕਸਾਨ ’ਤੇ 194 ਦੌੜਾਂ ਬਣਾਈਆਂ ਸਨ। ਜਵਾਬ ਵਿਚ ਅਮਰੀਕਾ ਦੀ ਟੀਮ ਛੇ ਵਿਕਟਾਂ ਨਾਲ 176 ਦੌੜਾਂ ’ਤੇ ਹੀ ਸਿਮਟ ਗਈ।
ਅਮਰੀਕਾ ਟੀਮ ਦੇ ਕਪਤਾਨ ਐਰੋਨ ਜੋਨਸ ਖਾਤਾ ਵੀ ਨਹੀਂ ਖੋਲ੍ਹ ਸਕੇ। ਸਾਊਥ ਅਫਰੀਕਾ ਦੀ ਟੀਮ ਦੇ ਖਿਡਾਰੀ ਕਾਗਿਸੋ ਰਬਾਦਾ ਨੇ 19ਵੇਂ ਓਵਰ ਵਿਚ ਹਰਮੀਤ ਸਿੰਘ ਦਾ ਵਿਕਟ ਲੈ ਕੇ ਮੈਚ ਪਲਟ ਦਿੱਤਾ।
ਆਖਰੀ ਦੋ ਓਵਰ ਵਿਚ ਅਮਰੀਕਾ ਨੂੰ 28 ਦੌੜਾਂ ਦੀ ਲੋੜ ਸੀ, ਉਦੋਂ ਹਰਮੀਤ ਸਿੰਘ ਅਤੇ ਐਂਡਰੀਜ਼ ਗਾਉ ਕ੍ਰੀਜ਼ ’ਤੇ ਸਨ। 19ਵੇਂ ਓਵਰ ਦੀ ਪਹਿਲੀ ਗੇਂਦ ’ਤੇ ਹਰਮੀਤ ਆਊਟ ਹੋ ਗਏ, ਉਹ 38 ਦੌੜਾਂ ਹੀ ਬਣਾ ਸਕੇ।
ਉਥੇ ਹੀ, ਆਖਰੀ ਓਵਰ ਵਿਚ ਐਂਡਰੀਜ਼ ਗਾਉ ਅਤੇ ਜਸਜੀਤ ਸਿੰਘ ਕ੍ਰੀਜ਼ ’ਤੇ ਸਨ ਅਤੇ ਅਮਰੀਕਾ ਨੂੰ ਜਿੱਤ ਲਈ 26 ਦੌੜਾਂ ਦੀ ਲੋੜ ਸੀ ਪਰ ਟੀਮ ਸਿਰਫ ਸੱਤ ਦੌੜਾਂ ਹੀ ਬਣਾ ਸਕੀ। ਇਸ ਤਰ੍ਹਾਂ ਸਾਊਥ ਅਫਰੀਕਾ ਦੀ ਟੀਮ ਨੇ ਸੁਪਰ-8 ਦਾ ਪਹਿਲਾ ਮੈਚ 18 ਦੌੜਾਂ ਨਾਲ ਜਿੱਤ ਲਿਆ।
