24.42C Vancouver 24.42C VancouverMar 21, 2022 9:22 PM - The Canadian Press
ਟ੍ਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਦਾ ਕਹਿਣਾ ਹੈ ਕਿ ਇੱਕ ਘਟਨਾ ਵਾਪਰਨ ਤੋਂ 9 ਦਿਨ ਪਹਿਲਾਂ ਰੇਲਵੇ ਟਰੈਕ 'ਤੇ ਕਿਸੇ ਪ੍ਰਕਾਰ ਦੇ ਨੁਕਸ ਬਾਰੇ ਸਥਿਤੀ ਸਪਸ਼ਟ ਹੋ ਗਈ ਸੀ ਪਰ ਇਸ 'ਤੇ ਕੋਈ ਕਾਰਵਾਈ ਨਹੀਂ ਕੀਤੀ ਗਈ।
ਘਟਨਾ ਉੱਤਰੀ ਬੀ.ਸੀ. 'ਚ ਵਾਪਰੀ ਸੀ ਅਤੇ ਇਸ ਦੌਰਾਨ 38 ਕਨੇਡੀਅਨ ਨੈਸ਼ਨਲ ਰੇਲਵੇ ਕਾਰਸ ਪਟੜੀ ਤੋਂ ਉੱਤਰ ਗਈਆਂ ਸਨ।
ਇਸ ਸੰਬੰਧੀ ਰਿਪੋਰਟ ਅੱਜ ਜਾਰੀ ਕੀਤੀ ਗਈ ਹੈ।
ਰਿਪੋਰਟ 'ਚ ਦੱਸਿਆ ਗਿਆ ਕਿ ਸੀ.ਐਨ. ਦੇ ਮੁੱਖ ਟਰੈਕ 'ਚ ਮਈ 2021 'ਚ ਪ੍ਰੇਸ਼ਾਨੀ ਉਜਾਗਰ ਹੋਈ ਸੀ।
ਹਾਲਾਂਕਿ ਇਸ ਦੇ ਫੌਲੋਅਪ ਟਰੈਕ ਇੰਸਪੈਕਸ਼ਨ 'ਚ ਇਸ ਪ੍ਰਕਾਰ ਦੀ ਪ੍ਰੇਸ਼ਾਨੀ ਬਾਰੇ ਸਥਿਤੀ ਸਪਸ਼ਟ ਨਹੀਂ ਹੋਈ।
ਇਸ ਤੋਂ ਬਾਅਦ 3 ਜੂਨ ਨੂੰ 38 ਬੋਗੀਆਂ ਪਟੜੀ ਤੋਂ ਉੱਤਰ ਗਈਆਂ ਸਨ।
ਹਾਲਾਂਕਿ ਇਸ ਦੌਰਾਨ ਕਿਸੇ ਪ੍ਰਕਾਰ ਦੇ ਖਤਰਨਾਕ ਪਦਾਰਥ ਸਪਿੱਲ ਹੋਣ ਤੋਂ ਬਚਾਅ ਰਿਹਾ ਸੀ।
ਕਿਸੇ ਕਰਿਊ ਮੈਂਬਰ ਦੇ ਸੱਟਫੇਟ ਤੋਂ ਵੀ ਬਚਾਅ ਰਿਹਾ ਸੀ।
ਇਹ ਰੇਲ ਚੈਟਵਿੰਡ ਤੋਂ ਪ੍ਰਿੰਸ ਜੌਰਜ ਜਾ ਰਹੀ ਸੀ।
ਰਿਪੋਰਟ 'ਚ ਦੱਸਿਆ ਗਿਆ ਕਿ ਰੇਲ ਨੂੰ ਲਾਈਨ 'ਚ ਰੱਖਣ ਵਾਲੇ ਸਪਾਈਕਸ ਕਰਵ ਤੋਂ ਹਟ ਗਏ ਸਨ।
ਇਸੇ ਨੂੰ ਡਿਰੇਲਮੈਂਟ ਦਾ ਕਾਰਨ ਦੱਸਿਆ ਗਿਆ।
