12.04C Vancouver 12.04C VancouverDec 8, 2023 6:57 PM - The Canadian Press
ਕੈਨੇਡਾ ਵਿੱਚ ਖਰਬੂਜ਼ਿਆਂ ਨਾਲ ਸਬੰਧਤ ਸਾਲਮੋਨੇਲਾ ਇਨਫੈਕਸ਼ਨ ਨਾਲ ਮਰਨ ਵਾਲੇ ਲੋਕਾਂ ਦੀ ਗਿਣਤੀ ਪੰਜ ਹੋ ਗਈ ਹੈ, ਜੋ 26 ਨਵੰਬਰ ਨੂੰ ਇੱਕ ਰਿਪੋਰਟ ਹੋਈ ਸੀ।ਪਬਲਿਕ ਹੈਲਥ ਏਜੰਸੀ ਨੇ ਕਿਹਾ ਕਿ ਮਲੀਚੀਟਾ ਅਤੇ ਰੂਡੀ ਬ੍ਰਾਂਡ ਦੇ ਖਰਬੂਜ਼ਿਆਂ ਨਾਲ ਜੁੜਿਆ ਸਾਲਮੋਨੇਲਾ ਇਨਫੈਕਸ਼ਨ 6 ਸੂਬਿਆਂ ਵਿੱਚ ਪਾਇਆ ਗਿਆ ਹੈ ਅਤੇ ਇਸ ਨਾਲ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ ਲਗਭਗ ਦੁੱਗਣੀ ਹੋ ਕੇ 129 ਹੋ ਗਈ ਹੈ।
ਕਿਊਬੈਕ ਵਿੱਚ ਇਹ ਕੇਸ ਤੇਜ਼ੀ ਨਾਲ ਵਧੇ, ਇੱਥੇ 91 ਇਨਫੈਕਸ਼ਨਾਂ ਦੀ ਪੁਸ਼ਟੀ ਹੋਈ ਜੋ ਪਿਛਲੇ ਹਫ਼ਤੇ 35 ਸਨ। ਓਨਟੇਰੀਓ ਵਿੱਚ 17, ਬ੍ਰਿਟਿਸ਼ ਕੋਲੰਬੀਆ ਵਿੱਚ 15 ਅਤੇ ਪ੍ਰਿੰਸ ਐਡਵਰਡ ਆਈਲੈਂਡ, ਨਿਊ ਬੰਰਜ਼ਵਿਕ ,ਨਿਊਫਿਲੈਂਡ ਅਤੇ ਲੈਬਰਾਡੋਰ ਵਿੱਚ ਦੋ-ਦੋ ਕੇਸ ਪਾਏ ਗਏ। ਏਜੰਸੀ ਨੇ ਕਿਹਾ ਕਿ ਸਾਲਮੋਨੇਲਾ ਨਾਲ ਇਨਫੈਕਟਡ ਲੋਕਾਂ ਵਿੱਚ 45 ਫੀਸਦੀ 65 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਸਨ, ਜਦੋਂ ਇੱਕ ਤਿਹਾਈ ਤੋਂ ਵੱਧ 5 ਸਾਲ ਅਤੇ ਇਸ ਤੋਂ ਘੱਟ ਉਮਰ ਦੇ ਬੱਚੇ ਸਨ।
ਹੈਲਥ ਏਜੰਸੀ ਨੇ ਕਿਹਾ ਕਿ ਇਹ ਲੋਕ ਅਕਤੂਬਰ ਅਤੇ ਨਵੰਬਰ ਦੇ ਅੱਧ ਵਿਚਕਾਰ ਬਿਮਾਰ ਹੋਏ ਸਨ। ਜਿਹੜੇ ਲੋਕ ਸਾਲਮੋਨੇਲਾ ਬੈਕਟੀਰੀਆ ਨਾਲ ਇਨਫੈਕਟਡ ਹੁੰਦੇ ਹਨ, ਉਹ ਕਈ ਹਫ਼ਤਿਆਂ ਤੱਕ ਦੂਜੇ ਲੋਕਾਂ ਵਿੱਚ ਇਸ ਨੂੰ ਫੈਲਾ ਸਕਦੇ ਹਨ।
ਹੈਲਥ ਏਜੰਸੀ ਨੇ ਮਲੀਚੀਟਾ ਅਤੇ ਰੂਡੀ ਬ੍ਰਾਂਡ ਵੱਲੋਂ ਵੇਚੇ ਖਰਬੂਜ਼ਿਆਂ ਨੂੰ ਲੈ ਕੇ ਨਵੰਬਰ ਵਿੱਚ ਰੀਕਾਲ ਚੇਤਾਵਨੀ ਜਾਰੀ ਕੀਤੀ ਸੀ।
