14.03C Vancouver 14.03C VancouverAug 6, 2024 7:45 PM - The Canadian Press
ਸਸਕੈਚਵਨ ਨੇ ਸਕੂਲਾਂ ਵਿਚ ਸੈੱਲਫੋਨ ਦੀ ਵਰਤੋਂ ’ਤੇ ਪਾਬੰਦੀ ਲਗਾ ਦਿੱਤੀ ਹੈ। ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਨਵੇਂ ਸਕੂਲੀ ਸਾਲ ਵਿਚ ਸਟੂਡੈਂਟਸ ਨੂੰ ਕਲਾਸ ਵਿਚ ਸੈਲਫੋਨ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਇਹ ਫੈਸਲਾ ਕਿੰਡਰਗਾਰਟਨ ਤੋਂ 12ਵੀਂ ਕਲਾਸ ਤੱਕ ਲਾਗੂ ਹੋਵੇਗਾ।
ਸਿੱਖਿਆ ਮੰਤਰੀ ਜੇਰੇਮੀ ਕਾਕਰਿਲ ਨੇ ਕਿਹਾ ਕਿ ਫੋਨ ਅਕਸਰ ਸਟੂਡੈਂਟਸ ਦਾ ਪੜ੍ਹਾਈ ਤੋਂ ਧਿਆਨ ਹਟਾ ਦਿੰਦੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਪੌਲਿਸੀ ਸਟੂਡੈਂਟਸ ਨੂੰ ਉਨ੍ਹਾਂ ਦੇ ਟੀਚਰਜ਼ ਨਾਲ ਵਧੇਰੇ ਜੋੜਨ ਅਤੇ ਪੜ੍ਹਾਈ ’ਤੇ ਫੋਕਸ ਕਰਨ ਵਿਚ ਮਦਦ ਕਰੇਗੀ।
ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਕੁਝ ਹਾਈ ਸਕੂਲ ਕਲਾਸ ਵਿਚ ਵਿੱਦਿਅਕ ਮਕਸਦ ਸੰਬੰਧੀ ਅਤੇ ਮੈਡੀਕਲ ਜ਼ਰੂਰਤ ਸਬੰਧੀ ਫੋਨ ਦੀ ਵਰਤੋਂ ਵਿਚ ਛੋਟ ਦਿੱਤੀ ਗਈ ਹੈ।
ਗੌਰਤਲਬ ਹੈ ਕਿ ਐਲਬਰਟਾ, ਬੀ.ਸੀ. ਕਿਊਬੈਕ ਤੇ ਓਨਟਾਰੀਓ ਨੇ ਵੀ ਸਕੂਲਾਂ ਵਿਚ ਸੈੱਲਫੋਨ ’ਤੇ ਪਾਬੰਦੀ ਲਗਾਉਣ ਦਾ ਕਦਮ ਉਠਾਇਆ ਹੈ, ਜਿਸ ਲਿਸਟ ਵਿਚ ਹੁਣ ਸਸਕੈਚਵਨ ਵੀ ਸ਼ਾਮਲ ਹੋ ਗਿਆ ਹੈ।
