ਕੈਨੇਡਾ ਦੇ ਸਭ ਤੋਂ ਖੂਬਸੂਰਤ ਹਾਈਵੇਅਜ਼ ਵਿਚੋਂ ਇਕ ਆਈਸਫੀਲਡ ਪਾਰਕਵੇਅ ਨੂੰ ਮੁੜ ਖੋਲ੍ਹਿਆ ਗਿਆ

ਕੈਨੇਡਾ ਦੇ ਸਭ ਤੋਂ ਖੂਬਸੂਰਤ ਹਾਈਵੇਅਜ਼ ਵਿਚੋਂ ਇਕ ਆਈਸਫੀਲਡ ਪਾਰਕਵੇਅ ਨੂੰ ਮੁੜ ਖੋਲ੍ਹ ਦਿੱਤਾ ਗਿਆ ਹੈ। ਪਾਰਕ ਕੈਨੇਡਾ ਦੀ ਘਟਨਾ ਕਮਾਂਡਰ ਨੇ ਦੱਸਿਆ ਕਿ ਇਸ ਨੂੰ ਹਾਈਵੇਅ 93 ਵਜੋਂ ਵੀ ਜਾਣਿਆ ਜਾਂਦਾ ਹੈ ਅਤੇ ਟਰੈਫਿਕ ਲਈ ਇਹ ਖੋਲ੍ਹ ਦਿੱਤਾ ਗਿਆ ਹੈ।

ਹਾਲਾਂਕਿ ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਟਰੈਵਲਰਜ਼ ਪਹਾੜ ਅਤੇ ਗਲੇਸ਼ੀਅਰ ਲਾਈਨ ਰੋਡ ਤੋਂ ਸਿੱਧੇ ਜਾਣਗੇ, ਉਨ੍ਹਾਂ ਨੂੰ ਵਿਚ ਰੁਕਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਜੈਸਪਰ ਆਈਸਫੀਲਡ ਡਿਸਕਵਰੀ ਸੈਂਟਰ ਅਤੇ ਸਸਕੈਚਵਨ ਰਿਵਰ ਕਰਾਸਿੰਗ ਦੇ ਹਾਈਵੇਅ ’ਤੇ ਅਜੇ ਕੋਈ ਵੀ ਸਰਵਿਸ ਸ਼ੁਰੂ ਨਹੀਂ ਕੀਤੀ ਗਈ।

ਹਾਲਾਂਕਿ ਜੇਕਰ ਕਿਸੇ ਡਰਾਈਵਰ ਨੂੰ ਇੱਥੇ ਕੋਈ ਪਰੇਸ਼ਾਨੀ ਆਉਂਦੀ ਹੈ ਤਾਂ ਮਦਦ ਲਈ ਐਮਰਜੈਂਸੀ ਸਰਵਿਸ ਅਤੇ ਪੁਲਿਸ ਔਫੀਸਰਜ਼ ਮੌਜੂਦ ਰਹਿਣਗੇ। ਇਨ੍ਹਾਂ ਇਲਾਕਿਆਂ ਵਿਚੋਂ ਖਤਰਾ ਬਣੇ ਦਰੱਖਤਾਂ ਨੂੰ ਹਟਾਇਆ ਜਾ ਰਿਹਾ ਹੈ ਤਾਂ ਕਿ ਡਰਾਈਵਰਜ਼ ਸੁਰੱਖਿਅਤ ਤਰੀਕੇ ਨਾਲ ਡਰਾਈਵ ਕਰ ਸਕਣ। ਔਫੀਸ਼ੀਅਲਜ਼ ਨੇ ਕਿਹਾ ਕਿ ਉਹ ਸਥਾਨਕ ਅਤੇ ਸੈਲਾਨੀਆਂ ਦੇ ਮਨੋਰੰਜਨ ਲਈ ਪਾਰਕ ਦੇ ਕੁਝ ਹਿੱਸਿਆਂ ਨੂੰ ਹੌਲੀ-ਹੌਲੀ ਸਾਫ਼ ਕਰਨ ਦੀ ਉਮੀਦ ਕਰ ਰਹੇ ਹਨ।