14.94C Vancouver 14.94C VancouverSep 8, 2020 3:36 PM -
ਕੰਜ਼ਰਵੇਟਿਵ ਲੀਡਰ ਏਰਿਨ ਓ’ ਟੂਲ ਨੇ ਆਪਣੀ ‘ਸ਼ੈਡੋ ਕੈਬਿਨੇਟ’ ਦਾ ਐਲਾਨ ਕਰ ਦਿੱਤਾ ਹੈ।
ਸਾਬਕਾ ਲੀਡਰ ਐਂਡਰੂ ਸ਼ੀਅਰ ਨੂੰ ਇਨਫਰਾਸਟਰਕਚਰ ਕ੍ਰਿਟਿਕ ਨਿਯੁਕਤ ਕੀਤਾ ਗਿਆ ਹੈ।
ਔਂਟੈਰੀਓ ਦੇ ਪੀਅਰ ਪੌਲੀਅਵ ਫਾਇਨਾਂਸ ਕ੍ਰਿਟਿਕ ਦੇ ਅਹੁਦੇ ਤੇ ਬਰਕਰਾਰ ਰਹਿਣਗੇ, ਐਲਬਰਟਾ ਦੇ ਮਿਸ਼ੇਲ ਰੈਂਪਲ ਗਾਰਨਰ ਨੂੰ ਹੈਲਥ ਕ੍ਰਿਟਿਕ ਚੁਣਿਆ ਗਿਆ ਹੈ ਅਤੇ ਨਿਊ ਬਰੰਸਵਿਕ ਦੇ ਰੌਬ ਮੂਅਰ ਜਸਟਿਸ ਕ੍ਰਿਟਿਕ ਦਾ ਅਹੁਦਾ ਸੰਭਾਲਣਗੇ।
ਕ੍ਰਿਟਿਕਸ ਹਾਊਸ ਆਫ ਕਾਮਨਜ਼ ਵਿਚ ਪ੍ਰਸ਼ਨ ਕਾਲ ਦੌਰਾਨ ਆਪਣੀ ਪਾਰਟੀ ਵੱਲੋਂ ਸਵਾਲ ਪੁੱਛਦੇ ਹਨ।
ਔਂਟੈਰੀਓ ਐੱਮ.ਪੀ. ਮਾਈਕਲ ਚੌਂਗ ਨੂੰ ਫ਼ੌਰਨ ਅਫੇਅਰਜ਼ ਕ੍ਰਿਟਿਕ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਅਲੈਨ ਰੇਅਜ਼, ਜਿਨ੍ਹਾਂ ਨੇ ਸ਼ੀਅਰ ਨੂੰ ਕਿਊਬੈਕ ਦੇ ਲੂਟੈਨੈਂਟ ਲਈ ਸਮਰਥਨ ਦਿੱਤਾ ਸੀ, ਨੂੰ ਹੈਰੀਟੇਜ ਕ੍ਰਿਟਿਕ ਚੁਣਿਆ ਗਿਆ ਹੈ।
ਕੰਜ਼ਰਵੇਟਿਵ ਪਾਰਟੀ ਦੀ ਨੈਸ਼ਨਲ ਕੌਕਸ ਬੈਠਕ ਕੱਲ੍ਹ ਹੈ ਅਤੇ ਓ’ ਟੂਲ ਮੁਤਾਬਕ ਉਹ ਜਲਦ ਹੀ ਕੋਵਿਡ -19 ਮਹਾਂਮਾਰੀ ਤੋਂ ਪ੍ਰਭਾਵਤ ਅਰਥਵਿਵਸਥਾ ਲਈ ਆਪਣੀ ਯੋਜਨਾ ਸਾਂਝੀ ਕਰਨਗੇ।
