12.85C Vancouver 12.85C VancouverJan 14, 2023 1:57 AM - Connect News
ਸਰ੍ਹੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇਲਾਕੇ 'ਚ ਡਰੱਗਸ, ਕੈਸ਼ ਅਤੇ ਹਥਿਆਰ ਸੰਬੰਧੀ ਵੱਡੀ ਬਰਾਮਦਗੀ ਹੋਈ ਹੈ।
ਇਹ ਬਰਾਮਦਗੀ ਵੌਲੀ ਇਲਾਕੇ 'ਚ ਇੱਕ ਘਰ ਤੋਂ ਹੋਈ ਹੈ।
11 ਜਨਵਰੀ ਨੂੰ ਸਰ੍ਹੀ ਆਰ.ਸੀ.ਐਮ.ਪੀ. ਦੀ ਨੌਰਥ ਕਮਿਊਨਿਟੀ ਰਿਸਪਾਂਸ ਯੂਨਿਟ ਨੇ ਲੋਅਰ ਮੇਨਲੈਂਡ ਇਨਟੀਗ੍ਰੇਟਿਡ ਐਮਰਜੈਂਸੀ ਰਿਸਪਾਂਸ ਟੀਮ ਅਤੇ ਸਰ੍ਹੀ ਆਰ.ਸੀ.ਐਮ.ਪੀ. ਮੋਬਾਈਲ ਸਟ੍ਰੀਟ ਐਨਫੋਰਸਮੈਂਟ ਟੀਮ ਦੇ ਸਹਿਯੋਗ ਨਾਲ ਗਰੌਸਵੇਨਰ ਰੋਡ ਦੇ 13700 ਬਲੌਕ 'ਚ ਸਥਿਤ ਇੱਕ ਘਰ 'ਚ ਤਲਾਸ਼ੀ ਵਾਰੰਟ ਨੂੰ ਅੰਜਾਮ ਦਿੱਤਾ।
ਘਰ ਦੇ ਅੰਦਰ 8 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਤਲਾਸ਼ੀ ਦੌਰਾਨ ਪੁਲਿਸ ਨੂੰ ਇੱਕ ਸ਼ੌਟਗੰਨ, 6 ਏਅਰਸੌਫਟ ਪਸਤੌਲ, ਇੱਕ ਏਅਰਸੌਫਟ ਰਾਈਫਲ, 1.4kg ਸ਼ੱਕੀ ਮੈਥਮਫਿਟਾਮੀਨ, 184 ਗਰਾਮ ਸ਼ੱਕੀ ਫੈਂਟਾਨਿਲ, 110 ਗਰਾਮ ਸ਼ੱਕੀ ਕੋਕੇਨ ਅਤੇ $7,000 ਤੋਂ ਵਧੇਰੇ ਕਨੇਡੀਅਨ ਕਰੰਸੀ ਬਰਾਮਦ ਹੋਈ।
ਇੱਕ ਵਿਅਕਤੀ ਨੂੰ ਪ੍ਰੋਬੇਸ਼ਨ ਦੇ ਬਰੀਚ ਦੇ ਮਾਮਲੇ 'ਚ ਹਿਰਾਸਤ 'ਚ ਰੱਖਿਆ ਗਿਆ ਅਤੇ ਬਾਕੀਆਂ ਨੂੰ ਵਧੇਰੇ ਜਾਂਚ ਦਰਮਿਆਨ ਰਿਹਾਅ ਕਰ ਦਿੱਤਾ ਗਿਆ।
ਸਰ੍ਹੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬਾਈਲਾਅ ਐਨਫੋਰਸਮੈਂਟ ਨਾਲ ਮਿਲ ਕੇ ਪੁਖਤਾ ਕੀਤਾ ਜਾ ਰਿਹਾ ਹੈ ਕਿ ਇਲਾਕਾ ਅਪਰਾਧਿਕ ਗਤੀਵਿਧੀ ਤੋਂ ਮੁਕਤ ਰਹੇ।
