19.42C Vancouver 19.42C VancouverJun 18, 2024 5:05 PM - The Canadian Press
ਕੈਨੇਡਾ ਵਿਚ ਹੁਣ ਕਾਨੂੰਨੀ ਹੜਤਾਲ ਦੌਰਾਨ ਬਦਲਣ ਵਾਲੇ ਕਰਮਚਾਰੀ ਨੂੰ ਕੰਮ ’ਤੇ ਰੱਖਣਾ ਗੈਰ-ਕਾਨੂੰਨੀ ਹੋਵੇਗਾ। ਇਸ ਸਬੰਧ ਵਿਚ ਸੈਨੇਟ ਵਿਚ ਸਰਕਾਰ ਦਾ ਬਿੱਲ ਪਾਸ ਹੋ ਚੁੱਕਾ ਹੈ ਅਤੇ ਇਹ ਹੁਣ ਕਾਨੂੰਨ ਬਣਨ ਵਾਲਾ ਹੈ। ਇਸ ਤਹਿਤ ਜਲਦ ਹੀ ਸੰਘੀ ਤੌਰ ’ਤੇ ਨਿਯੰਤ੍ਰਿਤ ਕੰਮ ਵਾਲੀ ਥਾਂਵਾਂ ’ਤੇ ਹੜਤਾਲ ਦੌਰਾਨ ਬਦਲਣ ਵਾਲੇ ਕਰਮਚਾਰੀ ’ਤੇ ਬੈਨ ਲੱਗੇਗਾ।
ਐਟੀ ਸਕੈਬ ਨਾਮ ਦੇ ਕਾਨੂੰਨ ਵਿਚ ਇਸ ਗੱਲ ਦੀ ਵਿਵਸਥਾ ਕੀਤੀ ਗਈ ਹੈ ਕਿ ਜੇ ਕੋਈ ਕਰਮਚਾਰੀ ਹੜਤਾਲ ’ਤੇ ਗਏ ਵਰਕਰਜ਼ ਦੀ ਜਗ੍ਹਾ ਹੋਰਾਂ ਨੂੰ ਰੱਖਦਾ ਹੈ ਤਾਂ ਉਸ $100,000 ਤੱਕ ਦਾ ਜੁਰਮਾਨਾ ਕੀਤਾ ਜਾ ਸਕਦਾ ਹੈ। ਇਹ ਕਾਨੂੰਨ ਲਿਬਰਲਸ ਦੇ ਨਿਊ ਡੈਮੋਕਰੇਟ ਨਾਲ ਰਾਜਨੀਤਕ ਸਮਝੌਤੇ ਦਾ ਇੱਕ ਪ੍ਰਮੁੱਖ ਹਿੱਸਾ ਸੀ। ਹਾਊਸ ਆਫ ਕੌਮਨਜ਼ ਨੇ ਇਸ ਨੂੰ ਸਰਬਸੰਮਤੀ ਨਾਲ ਪਾਸ ਕੀਤਾ ਸੀ।
ਯੂਨੀਅਨ ਲੀਡਰ ਨੇ ਇਸ ਕਾਨੂੰਨ ਦੀ ਸ਼ਲਾਘਾ ਕੀਤੀ ਹੈ, ਉਨ੍ਹਾਂ ਦਾ ਕਹਿਣਾ ਹੈ ਕਿ ਨਵੇਂ ਕਾਨੂੰਨ ਨਾਲ ਵਰਕਜ਼ ਦੇ ਅਧਿਕਾਰਾਂ ਦੀ ਰੱਖਿਆ ਹੋਵੇਗੀ ਅਤੇ ਮੰਗਾਂ ਲਈ ਉਹ ਬਿਹਤਰ ਡੀਲ ਹਾਸਲ ਕਰ ਸਕਣਗੇ।
ਹਾਲਾਂਕਿ, ਕੈਨੇਡੀਅਨ ਚੈਂਬਰ ਆਫ ਕਾਮਰਸ ਨੇ ਚਿਤਾਵਨੀ ਦਿੱਤੀ ਹੈ ਕਿ ਛੋਟੇ ਕਾਰੋਬਾਰ ਅਤੇ ਪਰਿਵਾਰ ਜੋ ਸੰਘੀ ਤੌਰ ’ਤੇ ਨਿਯੰਤ੍ਰਿਤ ਸੈਕਟਰ ਵਲੋਂ ਪ੍ਰਦਾਨ ਕੀਤੀਆਂ ਜਾਣ ਵਾਲੀਆਂ ਜ਼ਰੂਰੀ ਸੇਵਾਵਾਂ ’ਤੇ ਨਿਰਭਰ ਹਨ ਉਨ੍ਹਾਂ ਨੂੰ ਇਸ ਦੇ ਨਤੀਜੇ ਵਜੋਂ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ ਕਿਉਂਕਿ ਵਰਕਰਜ਼ ਦੀ ਹੜਤਾਲ ਦੌਰਾਨ ਕੰਮਕਾਜ ਪ੍ਰਭਾਵਿਤ ਰਹੇਗਾ। ਨਵੇਂ ਨਿਯਮ ਬਿੱਲ ਨੂੰ ਸ਼ਾਹੀ ਮਨਜ਼ੂਰੀ ਮਿਲਣ ਤੋਂ ਇਕ ਸਾਲ ਬਾਅਦ ਲਾਗੂ ਹੋ ਜਾਣਗੇ।
