24.24C Vancouver 24.24C VancouverDec 15, 2023 4:53 PM - The Canadian Press
ਲਿਬਰਲ ਸਰਕਾਰ ਦਾ ਵਿਵਾਦਪੂਰਨ ਗੰਨ ਕੰਟਰੋਲ ਬਿੱਲ C-21 ਵੀਰਵਾਰ ਨੂੰ ਸੈਨੇਟ ਵਿੱਚ ਬਿਨਾਂ ਕਿਸੇ ਤਬਦੀਲੀਆਂ ਦੇ ਪਾਸ ਹੋ ਚੁੱਕਾ ਹੈ, ਜੋ ਹੁਣ ਕਾਨੂੰਨ ਬਣਨ ਜਾ ਰਿਹਾ ਹੈ।
ਹਾਊਸ ਆਫ ਕਾਮਨਜ਼ ਵਿੱਚ ਇਹ ਮਈ ਵਿੱਚ ਹੀ ਪਾਸ ਹੋ ਚੁੱਕਾ ਸੀ। ਬੰਦੂਕ ਕੰਟਰੋਲ ਕਾਨੂੰਨ ਵਿੱਚ ਸਖ਼ਤੀ ਕੀਤੀ ਗਈ ਹੈ, ਜਿਸ ਤਹਿਤ ਹੈਂਡਗਨ ਦੀ ਵਿਕਰੀ 'ਤੇ ਰੋਕ ਲਗਾਈ ਜਾ ਰਹੀ ਹੈ ਅਤੇ ਹਥਿਆਰਾਂ ਦੀ ਤਸਕਰੀ ਲਈ ਜੁਰਮਾਨੇ ਵਿੱਚ ਵਾਧਾ ਤੇ ਵੱਧ ਤੋਂ ਵੱਧ ਸਜ਼ਾ ਨੂੰ 10 ਤੋਂ ਵਧਾ ਕੇ 14 ਸਾਲ ਕੀਤਾ ਜਾ ਰਿਹਾ ਹੈ।
ਇਸ ਕਾਨੂੰਨ ਦਾ ਮਕਸਦ ਘਰੇਲੂ ਗੋਸਟ ਗਨਸ, ਜਿਨ੍ਹਾਂ ਨੂੰ 3D-ਛਪੀਆਂ ਗਨਸ ਵੀ ਕਿਹਾ ਜਾਂਦਾ ਹੈ ਉਨ੍ਹਾਂ 'ਤੇ ਵੀ ਲਗਾਮ ਲਗਾਉਣਾ ਹੈ। ਬਿੱਲ C-21 ਨਾਲ ਜਾਣੇ ਜਾਂਦੇ ਇਸ ਕਾਨੂੰਨ ਵਿੱਚ ਹਮਲਾ-ਸ਼ੈਲੀ ਦੇ ਹਥਿਆਰ 'ਤੇ ਬੈਨ ਲਾਉਣਾ ਵੀ ਸ਼ਾਮਲ ਹੈ। ਬੰਦੂਕ ਕੰਟਰੋਲ ਕਾਨੂੰਨ ਵਿੱਚ ਘਰੇਲੂ ਸ਼ੋਸ਼ਣ ਕਰਨ ਵਾਲੇ ਦੇ ਹੱਥਾਂ ਤੋਂ ਹਥਿਆਰਾਂ ਨੂੰ ਦੂਰ ਰੱਖਣ ਲਈ ਨਵੇਂ ਕਦਮ ਚੁੱਕੇ ਗਏ ਹਨ।
ਬੀਤੇ ਕੱਲ੍ਹ ਸੈਨੇਟਰ ਨੇ 60-24 ਵੋਟਾਂ ਨਾਲ ਇਹ ਬਿੱਲ ਪਾਸ ਕੀਤਾ। ਪਬਲਿਕ ਸੇਫਟੀ ਮਿਨਿਸਟਰ ਡੋਮਿਨਿਕ ਲੇਬਲੈਂਕ ਨੇ ਕਿਹਾ ਹੈ ਕਿ ਸਰਕਾਰ 1,500 ਹਥਿਆਰ ਮਾਡਲ ਦੇ ਵਾਪਸੀ ਨੂੰ ਵੀ ਲਾਗੂ ਕਰੇਗੀ, ਜੋ ਮਈ 2020 ਵਿੱਚ ਆਰਡਰ-ਇਨ-ਕੌਂਸਲ ਜ਼ਰੀਏ ਪਾਬੰਦੀਸ਼ੁਦਾ ਐਲਾਨੇ ਗਏ ਸਨ।
