13.95C Vancouver 13.95C VancouverOct 6, 2021 9:24 PM -
ਬੀ.ਸੀ. ਸੀਨੀਅਰਸ ਐਡਵੋਕੇਟ ਈਜ਼ੋਬੇਲ ਮੈਕੇਨਜ਼ੀ ਨੇ ਕੋਵਿਡ-19 ਆਊਟਬ੍ਰੇਕਸ ਸੰਬੰਧੀ ਇੱਕ ਰਿਪੋਰਟ ਜਾਰੀ ਕੀਤੀ ਹੈ।
ਸੂਬੇ ਦੇ ਲੌਂਗ ਟਰਮ ਕੇਅਰ ਹੋਮਸ ਅਤੇ ਅਸਿਸਟਿਡ ਲਿਵਿੰਗ ਫੈਸਿਲਿਟੀਸ 'ਚ ਆਊਟਬ੍ਰੇਕਸ ਨਾਲ ਸੰਬੰਧੀ ਰਿਪੋਰਟ ਜਾਰੀ ਕੀਤੀ ਗਈ ਹੈ।
ਬੀ.ਸੀ. 'ਚ ਪੈਂਡੈਮਿਕ ਦੇ ਦਸਤਕ ਦੇਣ ਤੋਂ ਬਾਅਦ ਸੂਬੇ ਦੇ ਲੌਂਗ ਟਰਮ ਕੇਅਰ ਅਤੇ ਅਸਿਸਟਿਡ ਲਿਵਿੰਗ ਫੈਸਿਲਿਟੀਸ 'ਚ 800 ਤੋਂ ਵਧੇਰੇ ਨਾਗਰਿਕਾਂ ਦੀ ਮੌਤ ਰਿਪੋਰਟ ਹੋਈ ਹੈ।
ਇਸ ਰਿਪੋਰਟ 'ਚ ਮਾਰਚ 2020 ਤੋਂ ਫਰਵਰੀ 2021 ਵਿਚਾਲੇ ਰਿਪੋਰਟ ਹੋਏ ਆਊਟਬ੍ਰੇਕਸ 'ਤੇ ਧਿਆਨ ਕੇਂਦਰਿਤ ਕੀਤਾ ਗਿਆ ਹੈ।
ਮੈਕੇਨਜ਼ੀ ਦੇ ਦਫ਼ਤਰ ਨੇ 100,000 ਤੋਂ ਵੱਧ ਰਿਕਾਰਡਸ ਦੀ ਜਾਂਚ ਕੀਤੀ ਅਤੇ 210 ਸਾਈਟਸ 'ਤੇ 365 ਆਊਟਬ੍ਰੇਕਸ ਦੀ ਜਾਂਚ ਕੀਤੀ ਗਈ।
ਰਿਪੋਰਟ 'ਚ ਮੈਕੇਨਜ਼ੀ ਨੇ 7 ਸਿਫਾਰਸ਼ਾਂ ਕੀਤੀਆਂ ਹਨ ਜੋ ਉਨ੍ਹਾਂ ਅਨੁਸਾਰ ਸੀਨੀਅਰਸ ਦੀਆਂ ਜਾਨਾਂ ਬਚਾਉਣ 'ਚ ਕਾਰਗਰ ਕਦਮ ਹੋ ਸਕਦੇ ਹਨ। ਇਸ 'ਚ ਕਿਹਾ ਗਿਆ ਹੈ ਕਿ ਅਸਿਸਟਿਡ ਲਿਵਿੰਗ ਅਤੇ ਲੌਂਗ ਟਰਮ ਕੇਅਰ ਹੋਮਸ 'ਚ ਸਾਰੇ ਸਟਾਫ਼ ਲਈ ਵੈਕਸੀਨ ਮੈਂਡੇਟੋਰੀ ਬਣਾਈ ਜਾਣੀ ਚਾਹੀਦੀ ਹੈ।
ਇਸ ਤੋਂ ਇਲਾਵਾ ਇਨ੍ਹਾਂ ਥਾਵਾਂ 'ਤੇ ਨਿਵਾਸੀਆਂ ਲਈ ਵੈਕਸੀਨ ਦੀ ਬੂਸਟਰ ਡੋਜ਼ ਦੀ ਮੰਗ ਕੀਤੀ ਗਈ ਹੈ।
ਹਾਲਾਂਕਿ ਇਹ ਦੋਵੇਂ ਫੈਸਲੇ ਸੂਬਾ ਸਰਕਾਰ ਨੇ ਪਹਿਲਾਂ ਹੀ ਲੈ ਲਏ ਹਨ।
ਰਿਪੋਰਟ 'ਚ ਇਹ ਵੀ ਦੱਸਿਆ ਗਿਆ ਹੈ ਕਿ ਇਨ੍ਹਾਂ ਥਾਵਾਂ 'ਤੇ ਨਿਵਾਸੀਆਂ 'ਚ ਕੋਵਿਡ-19 ਦੇ ਸੰਪਰਕ 'ਚ ਆਉਣ ਦੇ ਆਸਾਰ ਆਮ ਨਾਲੋਂ 3.5 ਗੁਣਾ ਵਧੇਰੇ ਹਨ ਅਤੇ ਇਸ ਦੇ ਕਾਰਨ ਮੌਤ ਹੋਣ ਦੇ ਆਸਾਰ 33 ਗੁਣਾ ਵਧੇਰੇ ਹਨ।
ਸਿਫਾਰਸ਼ਾਂ 'ਚ ਸਟਾਫ਼ ਲਈ ਪੇਡ ਸਿਕ ਲੀਵ 'ਚ ਵਾਧੇ ਦੀ ਵੀ ਅਪੀਲ ਕੀਤੀ ਗਈ ਹੈ।
ਡਾਇਰੈਕਟ ਕੇਅਰ ਸਟਾਫ਼ 'ਚ ਵਾਧੇ ਦੀ ਵੀ ਸਲਾਹ ਦਿੱਤੀ ਗਈ ਹੈ।
ਡਾਇਰੈਕਟ ਕੇਅਰ ਸਟਾਫ਼ 'ਚ ਰਿਜਿਸਟਰਡ ਨਰਸਿੰਗ ਦੀ ਗਿਣਤੀ 'ਚ ਵਾਧੇ ਦੀ ਵੀ ਸਲਾਹ ਦਿੱਤੀ ਗਈ ਹੈ।
