6.94C Vancouver 6.94C VancouverFeb 24, 2020 6:34 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਵਿੱਚ ਕੋਵਿੱਡ-19 ਵਾਇਰਸ ਦਾ ਸੱਤਵਾਂ ਕੇਸ ਉਭਰਕੇ ਸਾਹਮਣੇ ਆਇਆ ਹੈ।
ਪ੍ਰੋਵਿੰਸ਼ਲ ਹੈਲਥ ਅਫਸਰ, ਡਾਕਟਰ ਬੌਨੀ ਹੈਨਰੀ ਮੁਤਾਬਕ ਚਾਲੀਵਿਆਂ ਦੀ ਉਮਰ ਦਾ ਇੱਕ ਆਦਮੀ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ।
ਪੀੜਤ ਆਦਮੀ ਦਾ ਸੰਪਰਕ ਸੂਬੇ ਦੇ ਛੇਵੇਂ ਕੇਸ ਦੇ ਮਰੀਜ਼ ਨਾਲ ਸੀ।
ਛੇਵੇਂ ਕੇਸ ਵਿਚ ਤੀਹਵਿਆਂ ਦੀ ਉਮਰ ਦੀ ਇੱਕ ਔਰਤ ਨੂੰ ਪਿਛਲੇ ਹਫਤੇ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਸੀ ਜੋ ਕਿ ਹਾਲ ਹੀ ਵਿੱਚ ਇਰਾਨ ਤੋਂ ਵਾਪਸ ਆਈ ਸੀ।
ਨਵੇਂ ਕੇਸ ਵਿੱਚ ਆਦਮੀ ਵਿੱਚ ਵਾਇਰਸ ਦੀਆਂ ਨਿਸ਼ਾਨੀਆਂ ਔਰਤ ਦੇ ਡਾਇਗਨੋਜ਼ ਹੋਣ ਤੋਂ ਪਹਿਲਾਂ ਤੋਂ ਹੀ ਸਨ। ਹੈਨਰੀ ਮੁਤਾਬਕ ਪੀੜਤ ਦੇ ਸੰਪਰਕ ਵਿੱਚ ਆਏ ਵਿਅਕਤੀਆਂ ਦੀ ਪਛਾਣ ਕਰਨ ਲਈ ਸਿਹਤ ਅਧਿਕਾਰੀ ਫਰੇਜ਼ਰ ਹੈਲਥ ਨਾਲ ਮਿਲਕੇ ਲਗਾਤਾਰ ਕੰਮ ਕਰ ਰਹੇ ਹਨ।
ਪੀੜਤ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ ਅਤੇ ਉਹ ਆਪਣੇ ਘਰ ਵਿੱਚ ਆਈਸੋਲੇਸ਼ਨ ਵਿੱਚ ਹੈ।
ਓਨਟਾਰਿਓ ਵਿੱਚ ਵਾਇਰਸ ਦੇ ਚੌਥੇ ਕੇਸ ਦੀ ਪੁਸ਼ਟੀ ਕਰ ਦਿੱਤੀ ਗਈ ਹੈ ਅਤੇ ਪਹਿਲਾਂ ਪੀੜਤ ਪਾਏ ਗਏ 3 ਵਿਅਕਤੀ ਪੂਰੀ ਤਰਾਂ ਤੰਦੁਰੁਸਤ ਹਨ।
