11.11C Vancouver 11.11C VancouverJun 13, 2022 10:20 PM - The Canadian Press
ਬੀ.ਸੀ. 'ਚ ਅੱਜ ਸਵੇਰ ਦੇ ਸਮੇਂ 'ਸੇਵ ਓਲਡ ਗਰੋਥ' ਨਾਮ ਦੇ ਗਰੁੱਪ ਨੇ ਜੌਰਜ ਮੈਸੀ ਟਨਲ 'ਚ ਆਵਾਜਾਈ 'ਚ ਅੜਿੱਕੇ ਪੇਸ਼ ਕੀਤੇ।
ਸਾਊਥਬਾਊਂਡ ਟਰੈਫਿਕ ਲਈ ਸਵੇਰ ਕਰੀਬ 7.15 ਵਜੇ ਅੜਿੱਕੇ ਪੇਸ਼ ਆਏ।
ਬੀ.ਸੀ. ਟਰਾਂਸਪੋਰਟੇਸ਼ਨ ਮੰਤਰਾਲੇ ਨੇ ਇਸ ਸੰਬੰਧੀ ਪੁਸ਼ਟੀ ਕੀਤੀ ਹੈ।
ਵਾਹਨ ਚਾਲਕਾਂ ਲਈ ਚੇਤਾਵਨੀ ਜਾਰੀ ਕੀਤੀ ਗਈ ਸੀ ਕਿ ਕੰਜੈਸ਼ਨ ਅਤੇ ਦੇਰੀ ਲਈ ਤਿਆਰ ਰਿਹਾ ਜਾਵੇ।
ਇਸ ਤੋਂ ਇਲਾਵਾ ਗਰੁੱਪ ਨੇ ਸੈਕਿੰਡ ਨੈਰੋਸ ਬ੍ਰਿਜ 'ਤੇ ਵੀ ਟਰੈਫਿਕ ਬਲੌਕ ਕਰ ਦਿੱਤਾ ਸੀ।
ਸਵੇਰ ਕਰੀਬ 7.30 ਵਜੇ ਪੁਲਿਸ ਨੇ ਇਲਾਕੇ 'ਚ ਪਹੁੰਚ ਪ੍ਰਦਰਸ਼ਨਕਾਰੀਆਂ ਨੂੰ ਮੌਕੇ ਤੋਂ ਹਟਾਉਣ ਦੀ ਪ੍ਰੀਕਿਰਿਆ ਆਰੰਭ ਦਿੱਤੀ ਸੀ।
ਸਵੇਰ ਕਰੀਬ 9 ਵਜੇ ਤਕ ਪ੍ਰਦਰਸ਼ਨਕਾਰੀਆਂ ਨੂੰ ਮੈਸੀ ਟਨਲ ਅਤੇ ਸੈਕਿੰਡ ਨੈਰੋਸ ਬ੍ਰਿਜ ਤੋਂ ਹਟਾ ਦਿੱਤਾ ਗਿਆ ਸੀ।
ਯਾਦ ਰਹੇ ਸੇਵ ਓਲਡ ਗਰੋਥ ਨਾਮ ਦੇ ਇਸ ਗਰੁੱਪ ਨੇ ਬੀਤੇ ਹਫ਼ਤੇ ਹੀ ਚੇਤਾਵਨੀ ਦਿੱਤੀ ਸੀ ਕਿ ਇਸ ਹਫ਼ਤੇ ਤੋਂ ਬੀ.ਸੀ. ਦੇ ਵੱਖੋ-ਵੱਖਰੇ ਇਲਾਕਿਆਂ 'ਚ ਟਰੈਫਿਕ ਲਈ ਅੜਿੱਕੇ ਪੇਸ਼ ਕੀਤੇ ਜਾਣਗੇ।
ਗਰੁੱਪ ਦੇ ਬੁਲਾਰੇ ਜ਼ੈਨ ਹੱਕ ਦਾ ਇਸ ਵੀਕਐਂਡ ਦੌਰਾਨ ਕਹਿਣਾ ਸੀ ਕਿ ਜੇਕਰ ਪਹਿਲੇ ਦਿਨ ਉਨ੍ਹਾਂ ਨੂੰ ਪ੍ਰਦਰਸ਼ਨ ਤੋਂ ਹਟਾ ਦਿੱਤਾ ਜਾਵੇਗਾ ਤਾਂ ਉਹ ਦੂਜੇ ਦਿਨ ਹੋਰ ਵੱਡੀ ਗਿਣਤੀ 'ਚ ਪ੍ਰਦਰਸ਼ਨ ਕਰਨਗੇ ਅਤੇ ਅਜਿਹਾ ਉਸ ਵੇਲੇ ਤਕ ਜਾਰੀ ਰਵੇਗਾ ਜਦ ਤਕ ਕਿ ਇੰਨਾ ਇਕੱਠ ਨਾ ਹੋ ਜਾਵੇ ਜਿਸ ਨੂੰ ਕਿ ਆਸਾਨੀ ਨਾਲ ਹਟਾਇਆ ਨਾ ਜਾ ਸਕੇ।
ਯਾਦ ਰਹੇ 'ਸੇਵ ਓਲਡ ਗਰੋਥ' ਦੀ ਮੰਗ ਹੈ ਕਿ ਬੀ.ਸੀ. 'ਚ ਓਲਡ ਗਰੋਥ ਜੰਗਲਾਂ 'ਚ ਲੌਗਿੰਗ ਨੂੰ ਬੰਦ ਕੀਤਾ ਜਾਵੇ।
ਵੈਨਕੂਵਰ ਪੁਲਿਸ ਨੇ 5 ਪ੍ਰਦਰਸ਼ਨਕਾਰੀ ਕੀਤੇ ਗ੍ਰਿਫਤਾਰ
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਅੱਜ ਸਵੇਰ ਦੇ ਸਮੇਂ 5 ਗ੍ਰਿਫਤਾਰੀਆਂ ਕੀਤੀਆਂ ਗਈਆਂ ਹਨ ਅਤੇ ਕਈ ਵਾਹਨ ਜਬਤ ਕਰ ਲਏ ਗਏ।
ਪੁਲਿਸ ਅਨੁਸਾਰ ਅਜਿਹਾ ਇਸ ਲਈ ਕੀਤਾ ਗਿਆ ਕਿ ਪ੍ਰਦਰਸ਼ਨਕਾਰੀਆਂ ਨੂੰ ਸਵੇਰ ਦੇ ਸਮੇਂ ਦੇ ਵਿਅਸਤ ਟਰੈਫਿਕ 'ਚ ਵਿਘਨ ਪਾਉਣ ਤੋਂ ਰੋਕਿਆ ਜਾ ਸਕੇ।
ਪੁਲਿਸ ਅਨੁਸਾਰ ਇਹ ਪ੍ਰਦਰਸ਼ਨਕਾਰੀ ਆਇਰਨ ਵਰਕਰਸ ਮੈਮੋਰੀਅਲ ਬ੍ਰਿਜ 'ਤੇ ਇਕੱਤਰ ਹੋਣ ਜਾ ਰਹੇ ਸਨ।
ਸਾਰਜੈਂਟ ਸਟੀਵ ਐਡੀਸਨ ਦਾ ਕਹਿਣਾ ਸੀ ਕਿ ਗੈਰਕਨੂੰਨੀ ਢੰਗ ਨਾਲ ਕੀਤੇ ਜਾਣ ਵਾਲੇ ਪ੍ਰਦਰਸ਼ਨਾਂ ਦੌਰਾਨ ਕੁਝ ਅਹਿਮ ਇਨਫਰਾਸਟਰਕਚਰ 'ਤੇ ਵਿਘਨ ਪੈਂਦੇ ਹਨ ਅਤੇ ਇਸ ਨਾਲ ਲੋਕਾਂ ਦੀ ਸੁਰੱਖਿਆ ਸਵਾਲਾਂ ਦੇ ਘੇਰੇ 'ਚ ਆ ਜਾਂਦੀ ਹੈ।
ਉਨ੍ਹਾਂ ਕਿਹਾ ਕਿ ਸਭ ਨੂੰ ਹੱਕ ਹੈ ਕਿ ਕਨੂੰਨੀ ਢੰਗ ਨਾਲ ਇਕੱਤਰ ਹੋਇਆ ਜਾ ਸਕੇ ਅਤੇ ਸ਼ਾਂਤਮਈ ਢੰਗ ਨਾਲ ਆਪਣੀ ਪ੍ਰਤੀਕਿਰਿਆ ਦਿੱਤੀ ਜਾ ਸਕੇ ਪਰ ਗੈਰਕਨੂੰਨੀ ਢੰਗ ਨਾਲ ਕੀਤਾ ਜਾ ਰਹੇ ਪ੍ਰਦਰਸ਼ਨਾਂ ਤੋਂ ਬਚਾਅ ਕੀਤਾ ਜਾਵੇਗਾ ਅਤੇ ਲੋਕਾਂ ਦੀ ਆਵਾਜਾਈ 'ਚ ਵਿਘਨ ਪੇਸ਼ ਆਉਣ ਤੋਂ ਬਚਾਅ ਕੀਤਾ ਜਾਵੇਗਾ।
ਪੁਲਿਸ ਦਾ ਕਹਿਣਾ ਸੀ ਕਿ ਆਇਰਨ ਵਰਕਰਸ ਮੈਮੋਰੀਅਲ ਬ੍ਰਿਜ ਕੋਲ ਖਾਲੀ ਖੜੇ 3 ਵਾਹਨਾਂ ਨੂੰ ਲੋਕੇਟ ਕੀਤਾ ਗਿਆ ਅਤੇ ਜਬਤ ਕਰ ਲਿਆ ਗਿਆ।
ਉਨ੍ਹਾਂ ਕਿਹਾ ਕਿ ਇਹ ਵਾਹਨ ਪ੍ਰਦਰਸ਼ਨਕਾਰੀਆਂ ਵੱਲੋਂ ਪਲੈਨਿੰਗ ਤਹਿਤ ਖੜੇ ਕੀਤੇ ਗਏ ਸਨ।
ਪੁਲਿਸ ਅਨੁਸਾਰ ਇਨ੍ਹਾਂ ਵਾਹਨਾਂ ਆਸਰੇ ਪੁਲ ਦੇ ਟਰੈਫਿਕ 'ਚ ਅੜਿੱਕੇ ਪੇਸ਼ ਕੀਤੇ ਜਾਣੇ ਸਨ।
ਇਸ ਤੋਂ ਬਾਅਦ ਵੈਨਕੂਵਰ ਪੁਲਿਸ ਦੇ ਅਫਸਰਾਂ ਨੇ 4 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਜਿੰਨਾ ਨੇ ਖੁਦ ਨੂੰ ਵਾਹਨ ਦੇ ਹੈਂਡਲ ਨਾਲ ਬੰਨਣ ਦੀ ਕੋਸ਼ਿਸ਼ ਕੀਤੀ ਸੀ।
