15.78C Vancouver 15.78C VancouverFeb 12, 2021 10:38 PM -
ਵੈਨਕੂਵਰ ਦੇ ਇੱਕ ਵਿਅਕਤੀ ਖਿਲਾਫ਼ ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਨੇ ਜਿਨਸੀ ਹਮਲੇ ਦੀ ਜਾਂਚ ਤੋਂ ਬਾਅਦ ਦੋਸ਼ ਤੈਅ ਕੀਤੇ ਹਨ।
ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਦੀ ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ 'ਰਾਹਤ ਦੀ ਗੱਲ ਸੀ ਕਿ ਇਸ ਔਰਤ ਨੂੰ ਹਮਲੇ 'ਚ ਸ਼ਰੀਰਕ ਸੱਟਾਂ ਤੋਂ ਬਚਾਅ ਰਿਹਾ ਸੀ, ਅਤੇ ਉਹ ਘਟਨਾ ਤੋਂ ਬਾਅਦ ਜਲਦੀ ਹੀ ਪੁਲਿਸ ਨੂੰ ਸੰਪਰਕ ਕਰਨ 'ਚ ਕਾਮਯਾਬ ਰਹੀ ਸੀ।'
ਪੀੜਤ ਔਰਤ ਨੇ 'ਵੈਸਟ ਬ੍ਰੌਡਵੇਅ ਐਵੀਨਿਊ' ਅਤੇ 'ਮੈਕਡੌਨਲਡ ਸਟ੍ਰੀਟ' ਦੇ ਕੋਲ ਇੱਕ ਵਪਾਰਕ ਜਗ੍ਹਾ 'ਤੇ ਮਸਾਜ ਦੀ ਬੁਕਿੰਗ ਕਰਵਾਈ ਸੀ।
ਕਥਿਤ ਤੌਰ 'ਤੇ ਗੈਰਲਸੰਸੀ ਮਸਾਜ ਪ੍ਰੈਕਟੀਸ਼ਨਰ ਨੇ ਔਰਤ 'ਤੇ ਉਸ ਵੇਲੇ ਜਿਨਸੀ ਹਮਲਾ ਕੀਤਾ ਜਦ ਉਹ ਮਸਾਜ ਟੇਬਲ 'ਤੇ ਪਈ ਸੀ।
ਮਾਮਲਾ 10 ਫਰਵਰੀ ਦਾ ਦੱਸਿਆ ਗਿਆ ਹੈ।
ਕਾਂਸਟੇਬਲ ਵਿਸਿੰਟਨ ਨੇ ਕਿਹਾ ਕਿ ਉਮੀਦ ਹੈ ਕਿ ਇਸ ਨਤੀਜੇ ਨਾਲ ਔਰਤ ਨੂੰ ਕੁਝ ਸ਼ਾਂਤੀ ਮਿਲੇਗੀ।
ਮਾਮਲੇ 'ਚ 55 ਸਾਲਾ 'ਚੁਨ ਜੈਂਗ ਟਾਂਗ' 'ਤੇ ਜਿਨਸੀ ਹਮਲੇ ਦੇ ਦੋਸ਼ ਲੱਗੇ ਹਨ।
