ਡੈਨਿਸ ਸ਼ੈਪੋਵਾਲੌਵ ਨੇ ਰੋਮਾਂਚਕ ਮੁਕਾਬਲੇ ਜਿੱਤ ਵਿੰਬੈਲਡਨ ਗਰੈਂਡ ਸਲੈਮ ਦੇ ਸੈਮੀਫਾਈਨਲ 'ਚ ਕੀਤੀ ਐਂਟਰੀ

ਕੈਨੇਡਾ ਦੇ ਟੈਨਿਸ ਖਿਡਾਰੀ ਡੈਨਿਸ ਸ਼ੈਪੋਵਾਲੌਵ ਨੇ ਵਿੰਬੈਲਡਨ ਗਰੈਂਡ ਸਲੈਮ ਦੇ ਸੈਮੀ-ਫਾਈਨਲ 'ਚ ਐਂਟਰੀ ਕਰ ਲਈ ਹੈ।

5 ਸੈੱਟ ਤਕ ਚੱਲੇ ਰੋਮਾਂਚਕ ਮੁਕਾਬਲੇ 'ਚ ਸ਼ੈਪੋਵਾਲੌਵ ਨੇ ਰੂਸ ਦੇ ਕੈਰੇਨ ਖੈਚਾਨੌਵ ਨੂੰ ਮਾਤ ਦਿੱਤੀ।

ਸ਼ੈਪੋਵਾਲੌਵ ਨੇ ਇਹ ਮੁਕਾਬਲਾ 6-4, 3-6, 5-7, 6-1, 6-4 ਦੇ ਫਰਕ ਨਾਲ ਜਿੱਤਿਆ।

ਸ਼ੈਪੋਵਾਲੌਵ ਕੈਨੇਡਾ ਦੇ ਸੂਬੇ ਔਂਟੈਰੀਓ 'ਚ ਰਿਚਮੰਡ ਹਿੱਲ ਤੋਂ ਵਾਸਤਾ ਰੱਖਦੇ ਹਨ।

22 ਸਾਲਾ ਕਨੇਡੀਅਨ ਟੈਨਿਸ ਖਿਡਾਰੀ ਦੀ ਹੁਣ ਸੈਮੀਫਾਈਨਲ 'ਚ ਵਿਸ਼ਵ ਨੰਬਰ 1 ਖਿਡਾਰੀ ਨੋਵਾਕ ਜੌਕੋਵਿਕ ਨਾਲ ਟੱਕਰ ਹੋਵੇਗੀ।

ਯਾਦ ਰਹੇ ਅੱਜ ਕੈਨੇਡਾ ਦੇ ਫਿਲੀਕਸ ਔਜੇ ਐਲੀ-ਸੀਮ ਨੇ ਵੀ ਕੁਆਟਰਫਾਈਨਲ ਮੁਕਾਬਲਾ ਖੇਡਣ ਉੱਤਰਨਾ ਹੈ।