17.08C Vancouver 17.08C VancouverSep 15, 2022 7:14 PM - Connect News
ਰਿਚਮੰਡ ਪੁਲਿਸ ਵੱਲੋਂ ਇੱਕ ਸਟੋਰ ਦੇ ਚੁਸਤ ਕਰਮਚਾਰੀਆਂ ਦੀ ਸ਼ਲਾਘਾ ਕੀਤੀ ਜਾ ਰਹੀ ਹੈ, ਜਿੰਨਾ ਦੀ ਸੂਝਬੂਝ ਕਾਰਨ ਹਜ਼ਾਰਾਂ ਡਾਲਰਾਂ ਦੀ ਮਰਚੈਂਡਾਈਜ ਵਾਪਿਸ ਸਟੋਰ ਪਰਤ ਆਈ।
ਮਾਮਲਾ 31 ਅਗਸਤ ਦਾ ਦੱਸਿਆ ਗਿਆ ਹੈ।
ਪੁਲਿਸ ਨੂੰ ਟੈਂਪਲਟਨ ਸਟੇਸ਼ਨ ਰੋਡ ਦੇ 7800 ਬਲੌਕ 'ਚ ਸੱਦਿਆ ਗਿਆ ਸੀ।
ਪੁਲਿਸ ਨੂੰ ਜਾਣਕਾਰੀ ਦਿੱਤੀ ਗਈ ਸੀ ਕਿ ਸਟੋਰ 'ਚ ਚੋਰੀ ਹੋ ਰਹੀ ਹੈ।
ਇੱਕ ਸਟੋਰ ਕਰਮਚਾਰੀ ਦਾ ਕਹਿਣਾ ਸੀ ਕਿ ਇੱਕ ਔਰਤ ਨੇ ਮਲਟੀਪਲ ਆਈਟਮ ਚੋਰੀ ਕਰ ਲਏ ਹਨ।
ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਡਿਊਟੀ ਕਰ ਰਹੇ ਰਿਚਮੰਡ ਆਰ.ਸੀ.ਐਮ.ਪੀ. ਦੇ ਅਫਸਰਾਂ ਨੇ ਮੌਲ ਤਕ ਪਹੁੰਚ ਕੀਤੀ।
ਮੌਕੇ ਤੋਂ 2 ਔਰਤਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਦੋਵਾਂ ਕੋਲ ਕਥਿਤ ਤੌਰ 'ਤੇ 2 ਰੀਯੂਜੇਬਲ ਸ਼ੌਪਿੰਗ ਬੈਗ ਸਨ।
ਪੁਲਿਸ ਅਨੁਸਾਰ ਤਲਾਸ਼ੀ ਦੌਰਾਨ ਵੱਖੋ-ਵੱਖਰੇ ਸਟੋਰਸ ਦੇ ਹਜ਼ਾਰਾਂ ਡਾਲਰ ਦੇ ਮਰਚੈਂਡਾਈਜ ਬਰਾਮਦ ਹੋਏ।
ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਜੇਕਰ ਕਰਮਚਾਰੀ ਨੇ ਕਾਲ ਨਾ ਕੀਤੀ ਹੁੰਦੀ ਤਾਂ ਸ਼ੱਕੀ ਔਰਤਾਂ ਬਿਨਾ ਕਿਸੇ ਪ੍ਰੇਸ਼ਾਨੀ ਚੋਰੀ ਦੇ ਕੱਪੜੇ ਲੈ ਮੌਕੇ ਤੋਂ ਨਿਕਲ ਜਾਣੀਆਂ ਸਨ।
ਪੁਲਿਸ ਨੇ ਦੱਸਿਆ ਕਿ ਦੋਵਾਂ ਔਰਤਾਂ ਨੂੰ ਪੁਲਿਸ ਅੰਡਰਟੇਕਿੰਗ 'ਤੇ ਰਿਹਾਅ ਕਰ ਦਿੱਤਾ ਗਿਆ ਸੀ ਅਤੇ ਰਿਹੈ ਦੀਆਂ ਸ਼ਰਤਾਂ 'ਚ ਮੌਲ ਤੋਂ ਦੂਰ ਰਹਿਣ ਦੀ ਸ਼ਰਤ ਵੀ ਸ਼ਾਮਿਲ ਹੈ।
