21.21C Vancouver 21.21C VancouverDec 31, 2020 8:31 PM -
ਬੀ.ਸੀ. ਲਿਬਲਰਸ ਦੀ ਅੰਤ੍ਰਿਮ ਲੀਡਰ, ਸ਼ਰਲੀ ਬੌਂਡ ਦਾ ਕਹਿਣਾ ਹੈ ਕਿ ਨਵਾਂ ਸਾਲ ਪ੍ਰਤੀਬਿੰਬ, ਨਵੀਨੀਕਰਨ ਅਤੇ ਮੁੜ ਨਿਰਮਾਣ ਵਾਲਾ ਹੋਵੇਗਾ।
ਲਿਬਰਲਸ ਵੱਲੋਂ ਸਾਲ 2021 'ਚ ਆਪਣੇ ਨਵੇਂ ਲੀਡਰ ਦੀ ਚੋਣ ਕੀਤੀ ਜਾ ਸਕਦੀ ਹੈ।
ਅਕਤੂਬਰ ਦੀਆਂ ਚੋਣਾਂ 'ਚ ਪਾਰਟੀ ਹੱਥ ਲੱਗੀ ਹਾਰ ਤੋਂ ਬਾਅਦ ਪਾਰਟੀ ਲੀਡਰ ਐਂਡ੍ਰਿਊ ਵਿਲਕਿੰਸਨ ਨੇ ਅਸਤੀਫਾ ਦੇ ਦਿੱਤਾ ਸੀ।
ਬੌਂਡ ਦਾ ਕਹਿਣਾ ਹੈ ਕਿ ਲਿਬਰਲਸ ਨੂੰ ਚੋਣਾਂ ਦੇ ਨਤੀਜੇ ਬਾਰੇ ਸਖਤ ਸਵਾਲ ਪੁੱਛਣ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਪਾਰਟੀ ਲਈ ਮਜ਼ਬੂਤ ਮੰਨੇ ਜਾਣ ਵਾਲੇ ਮੈਟਰੋ ਵੈਨਕੂਵਰ ਅਤੇ ਫਰੇਜ਼ਰ ਵੈਲੀ ਦੇ ਇਲਾਕਿਆਂ 'ਚ ਪਾਰਟੀ ਦਾ ਕਮਜ਼ੋਰ ਪ੍ਰਦਰਸ਼ਨ ਚਿੰਤਨ ਕਰਨ ਦਾ ਵਿਸ਼ਾ ਹੈ।
ਉਨ੍ਹਾਂ ਕਿਹਾ ਕਿ ਨਵੇਂ ਲੀਡਰ ਦੀ ਚੋਣ ਤੋਂ ਪਹਿਲਾਂ ਪਾਰਟੀ ਨੂੰ ਵਿਚਾਰ ਕਰਨ ਦੀ ਲੋੜ ਹੋਵੇਗੀ ਕਿ ਚੋਣਾਂ ਦੌਰਾਨ ਕੀ ਗਲਤ ਹੋਇਆ ਸੀ ਅਤੇ ਭਵਿੱਖ 'ਚ ਪਾਰਟੀ ਕਿਸ ਦਿਸ਼ਾ 'ਚ ਵਧਣਾ ਚਾਹੁੰਦੀ ਹੈ।
