22.16C Vancouver 22.16C VancouverNov 24, 2020 2:03 AM -
ਬੀ.ਸੀ. ਲਿਬਰਲ ਪਾਰਟੀ ਦੀ ਕਮਾਨ ਹਾਲ ਦੀ ਘੜੀ ਐਮ.ਐਲ.ਏ. ਸ਼ਰਲੀ ਬੌਂਡ ਨੂੰ ਸੌਂਪ ਦਿੱਤੀ ਗਈ ਹੈ।
ਐਂਡਰਿਊ ਵਿਲਕਿੰਸਨ ਵੱਲੋਂ ਪਾਰਟੀ ਦੇ ਲੀਡਰ ਦਾ ਅਹੁਦਾ ਛੱਡਣ ਤੋਂ ਬਾਅਦ, ਇਹ ਫੈਸਲਾ ਲਿਆ ਗਿਆ ਹੈ।
ਪ੍ਰਿੰਸ ਜੌਰਜ-ਵੈਲਮਾਊਂਟ ਦੀ ਨੁਮਾਇੰਦਗੀ ਕਰਨ ਵਾਲੀ ਸ਼ਰਲੀ ਬੌਂਡ ਨੂੰ ਪਾਰਟੀ ਦਾ ਅੰਤ੍ਰਿਮ ਲੀਡਰ ਚੁਣਿਆ ਗਿਆ ਹੈ।
ਲੀਡਰਸ਼ਿਪ ਦਾ ਫੈਸਲਾ ਹੋਣ ਤੱਕ ਬੌਂਡ ਵੱਲੋਂ ਪਾਰਟੀ ਦੇ ਮੁਖੀ ਦੀ ਜ਼ਿੰਮੇਵਾਰੀ ਸੰਭਾਲੀ ਜਾਵੇਗੀ।
ਐਂਡਰਿਊ ਵਿਲਕਿੰਸਨ ਨੇ ਸ਼ਨੀਵਾਰ ਨੂੰ ਅਸਤੀਫਾ ਦਿੱਤਾ ਸੀ।
ਬੌਂਡ, ਸਾਲ 2001 ਤੋਂ ਵਿਧਾਨ ਸਭਾ ਦੀ ਮੈਂਬਰ ਰਹੀ ਹਨ।
ਸੂਬੇ ਦੀ ਪਿਛਲੀ ਲਿਬਰਲ ਸਰਕਾਰ ਦੌਰਾਨ ਉਹ ਡਿਪਟੀ ਪ੍ਰੀਮਿਅਰ ਅਤੇ ਜਸਟਿਸ ਮੰਤਰੀ ਦੀ ਜ਼ਿੰਮੇਵਾਰੀ ਵੀ ਸੰਭਾਲ ਚੁੱਕੀ ਹਨ।
ਬੌਂਡ ਨੇ ਕਿਹਾ ਕਿ ਉਹ ਆਉਣ ਵਾਲੇ ਮਹੀਨਿਆਂ 'ਚ ਸੂਬੇ ਦੀ ਐਨ.ਡੀ.ਪੀ. ਸਰਕਾਰ ਦੀ ਜ਼ਿੰਮੇਵਾਰੀਆਂ 'ਤੇ ਖਰਾ ਉਤਰਨ ਲਈ ਦਬਾਅ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਰਹਿਣਗੇ।
ਯਾਦ ਰਹੇ ਸੂਬੇ ਦੀਆਂ ਚੋਣਾਂ 'ਚ ਐਨ.ਡੀ.ਪੀ. ਨੂੰ 57 ਅਤੇ ਬੀ.ਸੀ. ਲਿਬਰਲਸ ਨੂੰ 28 ਸੀਟਾਂ ਹਾਸਿਲ ਹੋਈਆਂ ਸਨ।
