13.47C Vancouver 13.47C VancouverJun 21, 2021 4:27 PM -
ਸ਼ਨੀਵਾਰ ਨੂੰ ਸਰ੍ਹੀ ਵਿੱਚ ਵਾਪਰੀ ਗੋਲ਼ੀ ਚੱਲਣ ਦੀ ਵਾਰਦਾਤ ਦੇ ਮਾਮਲੇ ਵਿੱਚ ਪੁਲਿਸ ਨੇ ਦੋ ਨੌਜਵਾਨਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ।
ਸਰ੍ਹੀ ਆਰ.ਸੀ.ਐਮ.ਪੀ. ਮੁਤਾਬਕ ਇਹ ਘਟਨਾ ਰਾਤ ਤਕਰੀਬਨ 8:40 ’ਤੇ 73 ਐਵਿਨਿਊ ਅਤੇ 128 ਸਟ੍ਰੀਟ ’ਤੇ ਵਾਪਰੀ।
ਇੱਕ ਸਿਲਵਰ ਐਸ.ਯੂ.ਵੀ ਅਤੇ ਇੱਕ ਚਿੱਟੀ ਜੀਪ ਵਿੱਚ ਸਵਾਰ ਵਿਅਕਤੀਆਂ ਨੇ ਇੱਕ ਦੂਜੇ ’ਤੇ ਗੋਲੀਆਂ ਚਲਾਈਆਂ।
ਦੋਵੇਂ ਗੱਡੀਆਂ ਓਥੋਂ ਤੇਜ਼ੀ ਨਾਲ ਫਰਾਰ ਹੋ ਰਹੀਆਂ ਸਨ ਜੱਦ ਜੀਪ ਤਕਰੀਬਨ 3 ਬਲਾਕ ਦੀ ਦੂਰੀ ’ਤੇ 76 ਐਵਿਨਿਊ ਅਤੇ 128 ਸਟ੍ਰੀਟ ’ਤੇ ਇੱਕ ਟੈਲੀਫੋਨ ਬੂਥ ਨਾਲ ਜਾ ਟਕਰਾਈ।
ਪੁਲਿਸ ਨੇ ਵਾਹਨ ਵਿੱਚ ਸਵਾਰ ਇਕ 18 ਸਾਲ ਅਤੇ ਇੱਕ 19 ਸਾਲ ਦੇ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲੈ ਲਿਆ।
ਪੁਲਿਸ ਅਨੁਸਾਰ ਇਹ ਵਾਰਦਾਤ ਨਸ਼ਿਆਂ ਦੀ ਤਸਕਰੀ ਅਤੇ ਗੈਂਗ ਗਤੀਵਿਧੀਆਂ ਨਾਲ ਸੰਬੰਧੰਤ ਸੀ ਅਤੇ ਪੁਲਿਸ ਸ਼ੱਕੀਆਂ ਨਾਲ ਵਾਕਫ਼ ਹੈ।
ਗੋਲ਼ੀ ਚੱਲਣ ਦੀ ਇਸ ਘਟਨਾ ਵਿੱਚ ਕਿਸੇ ਦੇ ਵੀ ਜ਼ਖਮੀ ਹੋਣ ਦੀ ਖ਼ਬਰ ਨਹੀਂ ਹੈ।
