14.99C Vancouver 14.99C VancouverFeb 16, 2021 11:26 PM -
ਸਾਈਮਨ ਫਰੇਜ਼ਰ ਯੂਨੀਵਰਸਿਟੀ ਦਾ ਕਹਿਣਾ ਹੈ ਕਿ ਸਕੂਲ ਸਰਵਰ 'ਤੇ ਹੋਏ ਸਾਈਬਰ ਹਮਲੇ 'ਚ ਨਿੱਜੀ ਜਾਣਕਾਰੀ ਐਕਸਪੋਜ਼ ਹੋਈ ਹੈ।
ਬੀ.ਸੀ. ਦੀ ਯੂਨੀਵਰਸਿਟੀ ਦਾ ਕਹਿਣਾ ਹੈ ਕਿ ਜਿਸ ਸਰਵਰ ਦੇ ਡਾਟਾ ਨਾਲ ਛੇੜਛਾੜ ਹੋਇਆ ਹੈ ਉਸ 'ਤੇ ਕਈ ਮੌਜੂਦਾ ਅਤੇ ਸਾਬਕਾ ਵਿਦਿਆਰਥੀਆਂ, ਫੈਕਲਟੀ, ਸਟਾਫ਼ ਅਤੇ ਸਟੂਡੈਂਟ ਐਪਲੀਕੈਂਟਸ ਦੀ ਜਾਣਕਾਰੀ ਪਈ ਸੀ।
ਇਹ ਜਾਣਕਾਰੀ ਕਿਸ ਪ੍ਰਕਾਰ ਦੀ ਸੀ, ਇਸ ਦੇ ਬਾਰੇ ਦੱਸਿਆ ਗਿਆ ਕਿ ਹਰ ਵਿਅਕਤੀ ਦੀ ਵੱਖਰੀ ਜਾਣਕਾਰੀ ਰਹੀ ਹੋ ਸਕਦੀ ਹੈ।
ਇਸ 'ਚ ਬੈਂਕਿੰਗ ਜਾਣਕਾਰੀ ਤੋਂ ਇਲਾਵਾ, ਸੋਸ਼ਲ ਇੰਸ਼ੋਰੈਂਸ ਨੰਬਰ ਅਤੇ ਪਾਸਵਰਡ ਆਦਿ ਰਹੇ ਹੋ ਸਕਦੇ ਹਨ।
ਯੂਨੀਵਰਸਿਟੀ ਦਾ ਕਹਿਣਾ ਹੈ ਕਿ ਮੁੱਖ ਤੌਰ 'ਤੇ ਵਿਦਿਆਰਥੀਆਂ ਅਤੇ ਕਰਮਚਾਰੀਆਂ ਦੇ ਆਈਡੈਂਟਿਫਿਕੇਸ਼ਨ ਨੰਬਰ ਅਤੇ ਇੱਕ ਹੋਰ ਡਾਟਾ ਐਲੀਮੈਂਟ ਦੇ ਐਕਸਪੋਜ਼ ਹੋਣ ਦਾ ਸ਼ੱਕ ਹੈ।
ਯੂਨੀਵਰਸਿਟੀ ਦਾ ਕਹਿਣਾ ਹੈ ਕਿ ਜਿਹੜੇ ਲੋਕਾਂ ਦੀ ਜਾਣਕਾਰੀ ਜ਼ਾਹਿਰ ਹੋਈ ਹੋ ਸਕਦੀ ਹੈ, ਉਨ੍ਹਾਂ ਨਾਲ ਸਿੱਧੇ ਤੌਰ 'ਤੇ ਸੰਪਰਕ ਬਣਾ ਕੇ, ਸੂਚਿਤ ਕੀਤਾ ਜਾ ਰਿਹਾ ਹੈ।
