14.2C Vancouver 14.2C VancouverJul 8, 2020 3:38 PM -
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਮੁਤਾਬਕ ਰੀਡੋ ਹਾਲ ਦੇ ਵਿੱਚ ਜ਼ਬਰਦਸਤੀ ਦਾਖਲ ਹੋਇਆ ਵਿਅਕਤੀ ਜੇ ਕੋਈ ਰੰਗਦਾਰ ਵਿਅਕਤੀ ਹੁੰਦਾ ਤਾਂ ਨਤੀਜਾ ਬਹੁਤ ਵੱਖਰਾ ਹੋਣਾ ਸੀ।
ਮਿਲਟਰੀ ਰਿਜ਼ਰਵਿਸਟ ਅਤੇ ਮੈਨੀਟੋਬਾ ਦਾ ਬਿਜ਼ਨੈੱਸਮੈਨ ਕੋਰੀ ਹਰਨ ਕਥਿਤ ਤੌਰ ਤੇ ਹਥਿਆਰ ਰੱਖਣ ਅਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਧਮਕਾਉਣ ਲਈ ਔਟਵਾ ਦੀ ਜੇਲ੍ਹ ਵਿੱਚ 22 ਚਾਰਜਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਪੁਲਿਸ ਅਨੁਸਾਰ ਹਰਨ ਨੇ 2 ਜੁਲਾਈ ਦੀ ਸਵੇਰ ਨੂੰ ਰੀਡੋ ਹਾਲ ਦੇ ਗੇਟ ਵਿੱਚ ਆਪਣਾ ਪਿੱਕਅਪ ਟਰੱਕ ਮਾਰਿਆ ਅਤੇ ਫਿਰ ਇੱਕ ਭਰੀ ਹੋਈ ਬੰਦੂਕ ਸਮੇਤ ਟਰੂਡੋ ਦੇ ਘਰ ਵੱਲ ਨੂੰ ਭੱਜਣ ਲੱਗਾ।
ਪੁਲਿਸ ਨੇ ਹਰਨ ਨੂੰ ਟਰੂਡੋ ਦੇ ਸਾਹਮਣੇ ਦੇ ਦਰਵਾਜ਼ੇ ਤੋਂ 200 ਮੀਟਰ ਦੀ ਦੂਰੀ ਤੇ ਗ੍ਰਿਫਤਾਰ ਕੀਤਾ ਸੀ।
ਸਿੰਘ ਮੁਤਾਬਕ ਇਹ ਵਾਰਦਾਤ ਪ੍ਰਣਾਲੀਗਤ ਨਸਲਵਾਦ ਦੀ ਮਿਸਾਲ ਹੈ ਕਿਉਂਕਿ ਜਿੱਥੇ ਆਰ.ਸੀ.ਐੱਮ.ਪੀ. ਨੇ ਹਰਨ ਨਾਲ ਡੇਢ ਘੰਟਾ ਗੱਲਬਾਤ ਕਰਨ ਤੋਂ ਬਾਅਦ ਉਸ ਨੂੰ ਬਿਨਾਂ ਕਿਸੇ ਨੁਕਸਾਨ ਦੇ ਗ੍ਰਿਫਤਾਰ ਕੀਤਾ ਉਥੇ ਹੀ ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਕੈਨੇਡਾ ਵਿੱਚ ਇੰਡੀਜਿਨਸ ਅਤੇ ਰੰਗਦਾਰ ਲੋਕ ਪੁਲਿਸ ਦੀ ਬੇਰਹਿਮੀ ਦਾ ਸ਼ਿਕਾਰ ਬਣਦੇ ਆਏ ਹਨ।
ਸਿੰਘ ਨੇ ਇਹ ਵੀ ਕਿਹਾ ਕਿ ਟਰੂਡੋ ਨੂੰ ਆਰ.ਸੀ.ਐੱਮ.ਪੀ. ਵਿੱਚ ਪ੍ਰਣਾਲੀਗਤ ਨਸਲਵਾਦ ਨਾਲ ਨਜਿੱਠਣ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਇਸ ਸਬੰਧ ਵਿੱਚ ਕੁਝ ਕਦਮ ਚੁੱਕੇ ਗਏ ਹਨ ਪਰ ਟਰੂਡੋ ਵੱਲੋਂ ਇਸ ਸੰਬੰਧ ਵਿੱਚ ਫਿਲਹਾਲ ਕੁਝ ਵੀ ਨਹੀਂ ਕੀਤਾ ਗਿਆ।
