9.53C Vancouver 9.53C VancouverJun 16, 2025 6:21 PM - Connect Newsroom
ਸਕਵਾਮਿਸ਼ ਨਦੀ ਵਿਚ ਲਾਪਤਾ ਹੋਏ ਨੌਜਵਾਨ ਦੀ ਪਛਾਣ ਸਰੀ ਦੇ 24 ਸਾਲਾ ਨਵਦੀਪ ਸਿੰਘ ਸਿੱਧੂ ਵਜੋਂ ਸਾਹਮਣੇ ਆਈ ਹੈ। ਨਵਦੀਪ ਸਿੱਧੂ ਸ਼ਨੀਵਾਰ ਨੂੰ ਆਪਣੇ ਦੋਸਤਾਂ ਨਾਲ ਕੈਂਪਿੰਗ ਲਈ ਗਿਆ ਸੀ। ਉਸ ਦੀ ਪਛਾਣ ਦੀ ਪੁਸ਼ਟੀ ਉਸ ਦੇ ਪਰਿਵਾਰ ਨੇ ਕੀਤੀ ਹੈ। ਸਿੱਧੂ ਦੇ ਪਰਿਵਾਰ ਮੁਤਾਬਕ, ਚਾਰੋਂ ਵਿਅਕਤੀ ਰਾਤ ਕਰੀਬ 12.30 ਵਜੇ ਹਾਈਵੇਅ ਤੋਂ ਲਗਭਗ 40 ਕਿਲੋਮੀਟਰ ਦੀ ਦੂਰੀ 'ਤੇ ਬੱਜਰੀ ਵਾਲੀ ਸੜਕ ਦੇ ਕੋਲ ਬਾਲਣ ਦੀ ਲੱਕੜ ਲੱਭਣ ਲਈ ਗਏ ਸਨ, ਜਦੋਂ ਉਹਨਾਂ ਦੀ ਗੱਡੀ ਪਾਣੀ ਵਿਚ ਜਾ ਡਿੱਗੀ।
ਸਿੱਧੂ ਦੇ ਚਚੇਰੇ ਭਰਾ ਨਵਜੋਤ ਧਾਲੀਵਾਲ ਨੇ ਕਿਹਾ ਕਿ ਤਿੰਨ ਜਣੇ ਕਿਸੇ ਤਰ੍ਹਾਂ ਕਾਰ ਤੋਂ ਬਾਹਰ ਨਿਕਲ ਗਏ ਸਨ ਪਰ ਪਾਣੀ ਦੇ ਨਾਲ ਉਹ ਵੀ ਵਹਿ ਗਏ ਸਨ, ਜਿਸ ਮਗਰੋਂ ਤਿੰਨੋ ਮੁੰਡੇ ਟਾਹਣੀਆਂ ਅਤੇ ਚੱਟਾਨਾਂ ਨੂੰ ਫੜ ਕੇ ਬਾਹਰ ਨਿਕਲੇ ਅਤੇ ਸੈਟੇਲਾਈਟ ਸਿਗਨਲ ਦੀ ਮਦਦ ਨਾਲ 911 'ਤੇ ਮਦਦ ਮੰਗੀ।
ਧਾਲੀਵਾਲ ਨੇ ਕਿਹਾ ਕਿ ਨਵਦੀਪ ਸਿੰਘ ਸਿੱਧੂ ਆਪਣੇ ਪਰਿਵਾਰ ਦਾ ਇਕਲੌਤਾ ਪੁੱਤਾ ਹੈ, ਜੋ Jeep Grand Cherokee ਸਮੇਤ ਪਾਣੀ ਵਿਚ ਵਹਿ ਗਿਆ। ਧਾਲੀਵਾਲ ਦਾ ਕਹਿਣਾ ਹੈ ਕਿ ਅਧਿਕਾਰੀਆਂ ਨੇ ਉਸ ਨੂੰ ਦੱਸਿਆ ਕਿ ਉਸ ਦਾ cousin ਗੱਡੀ ਦੇ ਅੰਦਰ ਫਸ ਗਿਆ ਹੋ ਸਕਦਾ ਹੈ ਜਦੋਂ ਇਹ ਪਾਣੀ ਵਿਚ ਡੁੱਬ ਗਈ।
