19.19C Vancouver 19.19C VancouverJul 12, 2024 6:30 PM - The Canadian Press
ਵੈਨਕੂਵਰ ਪੁਲਿਸ ਵਲੋਂ ਇਕ ਸੰਗਠਿਤ ਅਪਰਾਧ ਸਮੂਹ ਦੀ ਜਾਂਚ ਤੋਂ ਬਾਅਦ ਦੋਸ਼ ਤੈਅ ਕੀਤੇ ਗਏ ਹਨ। ਅਸਲ ਵਿਚ ਵੈਨਕੂਵਰ ਪੁਲਿਸ ਦੀ ਤਿੰਨ ਸਾਲ ਲੰਮੀ ਜਾਂਚ ਦੇ ਨਤੀਜੇ ਵਜੋਂ ਇੱਕ ਅਤਿ ਆਧੁਨਿਕ ਸੰਗਠਿਤ ਅਪਰਾਧ ਸਮੂਹ ਦੇ ਸਬੰਧ ਵਿੱਚ ਛੇ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਦੋਸ਼ ਲਗਾਏ ਗਏ ਹਨ।
ਪੁਲਿਸ ਵਲੋਂ ਪ੍ਰੋਜੈਕਟ ਟਾਰਕ ਨਵੰਬਰ 2021 ਵਿੱਚ ਸ਼ੁਰੂ ਕੀਤਾ ਗਿਆ ਸੀ ਜੋ ਵੈਨਕੂਵਰ ਵਿੱਚ ਇਕ ਵੱਡੇ ਪੱਧਰ ’ਤੇ ਚੱਲ ਰਹੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੇ ਆਪਰੇਸ਼ਨ ’ਤੇ ਕੇਂਦਰਿਤ ਸੀ। ਇਹ ਆਪਰੇਸ਼ਨ ਘਰੇਲੂ ਅਤੇ ਅੰਤਰਰਾਸ਼ਟਰੀ ਪੱਧਰ ’ਤੇ ਕੰਮ ਕਰ ਰਿਹਾ ਸੀ।
ਵੈਨਕੂਵਰ ਪੁਲਿਸ ਵਲੋਂ 2022 ਵਿਚ ਇਸ ਜਾਂਚ ਦੇ ਪਹਿਲੇ ਪੜਾਅ ਵਿੱਚ ਤਿੰਨ ਹਥਿਆਰ ਅਤੇ 88 ਕਿਲੋਗ੍ਰਾਮ ਨਾਜਾਇਜ਼ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ ਗਏ ਸਨ।
2023 ਵਿਚ ਇਸਦੇ ਦੂਜੇ ਪੜਾਅ ਵਿਚ ਵੈਨਕੂਵਰ ਪੁਲਿਸ ਦੇ ਸੰਗਠਿਤ ਅਪਰਾਧ ਸੈਕਸ਼ਨ ਵਲੋਂ ਡਾਊਨਟਾਊਨ ਵੈਨਕੂਵਰ ਵਿਚ 3 ਜਗ੍ਹਾ ਛਾਪੇਮਾਰੀ ਕੀਤੀ ਗਈ ਜਿਸ ਦੌਰਾਨ 14 ਕਿਲੋ ਫੈਂਟਾਨਾਇਲ, 12 ਕਿਲੋ ਕੋਕੇਨ, 17 ਕਿਲੋ ਮੈਥਾਮਫੇਟਾਮਾਈਨ ਅਤੇ 73 ਕਿਲੋ ਐੱਮ.ਡੀ.ਐੱਮ.ਏ. ਸਮੇਤ 4 ਹਥਿਆਰ ਅਤੇ 190,000 ਡਾਲਰ ਕੈਸ਼ ਬਰਾਮਦ ਕੀਤੇ ਗਏ ਸਨ।
ਇਸ ਜਾਂਚ ਵਿਚ ਗ੍ਰਿਫਤਾਰ ਕੀਤੇ 41 ਸਾਲਾ ਓਮਿਦ ਮਾਸ਼ਿਂਚੀ, 31 ਸਾਲਾ ਵਿਕਟਰ ਚੋਅ, 24 ਸਾਲਾ ਓਮਿਦ ਪਾਕਨੀਅਤ, 30 ਸਾਲਾ ਜੋਸੇਫ ਤੋਲਜਾ, 39 ਸਾਲਾ ਅਮੀਰ ਨਵਾਰਚੀ ਅਤੇ 28 ਸਾਲਾ ਜੇਮੀਨਾ ਓਰਟੇਗਾ ’ਤੇ ਨਸ਼ੇ ਅਤੇ ਹਥਿਆਂਰਾਂ ਸੰਬੰਧੀ ਦੋਸ਼ ਲਗਾਏ ਗਏ ਹਨ।
