ਚਿਲੀਵੈਕ ਦੇ ਅਪਾਰਟਮੈਂਟ ਕੰਪਲੈਕਸ ’ਚ ਲੱਗੀ ਅੱਗ, 6 ਪਰਿਵਾਰ ਹੋਏ ਬੇਘਰ

ਚਿਲੀਵੈਕ ਦੇ ਇਕ ਅਪਾਰਟਮੈਂਟ ਕੰਪਲੈਕਸ ਵਿਚ ਸੋਮਵਾਰ ਸਵੇਰੇ ਭਿਆਨਕ ਅੱਗ ਲੱਗ ਗਈ, ਜਿਸ ਕਾਰਨ 6 ਪਰਿਵਾਰਾਂ ਨੂੰ ਬੇਘਰ ਕੀਤਾ ਗਿਆ।

ਫਾਇਰ ਔਫੀਸਰਜ਼ ਨੇ ਦੱਸਿਆ ਕਿ ਲਗਭਗ 5.30 ਵਜੇ ਐਡਵਰਡ ਸਟਰੀਟ ਦੇ ਅਪਾਰਟਮੈਂਟ ਵਿਚ ਅੱਗ ਬੁਝਾਉਣ ਲਈ 3 ਦਰਜਨ ਤੋਂ ਵੱਧ ਫਾਇਰ ਫਾਈਟਰਜ਼ ਭੇਜੇ ਗਏ। ਜਦ ਫਾਇਰ ਫਾਈਟਰਜ਼ ਪੁੱਜੇ ਤਦ ਤੱਕ 3 ਵਾਹਨ ਸੜ ਚੁੱਕੇ ਸਨ ਅਤੇ ਅੱਗ ਤੇ ਧੂੰਆਂ ਬਿਲਡਿੰਗ ਵਿਚ ਪੁੱਜ ਗਏ।

ਇਸ ਬਿਲਡਿੰਗ ਦੇ ਅਰਧ-ਨਿਰਲੇਪ ਯੂਨਿਟ ਹਨ ਅਤੇ ਸਾਰੇ ਵਸਨੀਕਾਂ ਨੂੰ ਸਮੇਂ ਸਿਰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਅੱਗ ਅਤੇ ਧੂੰਏਂ ਕਾਰਨ 6 ਪਰਿਵਾਰਾਂ ਨੂੰ ਬੇਘਰ ਕਰਨਾ ਪਿਆ, ਜਿਸ ਕਾਰਨ ਲੋਕਾਂ ਨੂੰ ਪਰੇਸ਼ਾਨੀ ਹੋਈ।

ਅੱਗ ਕਾਰਨ ਨੇੜਲੀਆਂ ਬਿਲਡਿੰਗਜ਼ ਨੂੰ ਵੀ ਨੁਕਸਾਨ ਪੁੱਜਾ ਹੈ, ਹਾਲਾਂਕਿ ਕਿਸੇ ਦੇ ਵੀ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ। ਅੱਗ ਬੁਝਾਊ ਦਸਤੇ ਵਲੋਂ ਅਤੇ ਪੁਲਿਸ ਵਲੋਂ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।