12.79C Vancouver 12.79C VancouverNov 5, 2021 7:33 PM - The Canadian Press
ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਬੀ.ਸੀ. 'ਚ 4 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ 2 ਦੀ ਭਾਲ ਜਾਰੀ ਹੈ।
ਸਾਲ 2018 'ਚ ਸ਼ੁਰੂ ਕੀਤੀ ਜਾਂਚ ਤੋਂ ਬਾਅਦ ਹੁਣ ਇਹ ਗ੍ਰਿਫਤਾਰੀਆਂ ਹੋਈਆਂ ਹਨ।
ਕੰਬਾਈਂਡ ਫੋਰਸਿਸ ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ ਨੇ ਦੱਸਿਆ ਕਿ ਸ਼ੱਕੀ ਲੋਕ 'ਬ੍ਰਦਰਸ ਕੀਪਰਸ' ਡਰੱਗ ਤਸਕਰੀ ਗਿਰੋਹ ਦਾ ਹਿੱਸਾ ਹਨ।
ਏਜੈਂਸੀ ਅਨੁਸਾਰ ਇਨ੍ਹਾਂ ਲੋਕਾਂ ਨੂੰ ਹਿੰਸਕ ਗਤੀਵਿਧੀ ਲਈ ਜਾਣਿਆ ਜਾਂਦਾ ਹੈ।
ਪੁਲਿਸ ਨੇ ਦੱਸਿਆ ਕਿ ਤਲਾਸ਼ੀ ਦੇ ਵਰੰਟਾਂ ਦੌਰਾਨ ਡਰੱਗਸ ਬਰਾਮਦ ਹੋਏ ਜਿਸ 'ਚ ਕੋਕੇਨ ਅਤੇ ਫੈਂਟਾਨਿਲ ਵੀ ਸ਼ਾਮਿਲ ਸੀ।
ਇਸ ਤੋਂ ਇਲਾਵਾ ਭਰੀ ਹੋਈ ਬੰਦੂਕ, ਸਿੰਥੈਟਿਕ ਡਰੱਗਸ ਬਣਾਉਣ ਲਈ ਵਰਤੀ ਜਾਣ ਵਾਲੀ ਲੈਬ ਇਕਵਿਪਮੈਂਟ ਅਤੇ $50,000 ਤੋਂ ਵਧੇਰੇ ਕੈਸ਼ ਬਰਾਮਦ ਹੋਇਆ।
ਗ੍ਰਿਫਤਾਰ ਕੀਤੇ ਲੋਕਾਂ 'ਚ 3 ਆਦਮੀ ਅਤੇ 3 ਔਰਤਾਂ ਹਨ।
ਇਨ੍ਹਾਂ ਲੋਕਾਂ 'ਤੇ ਡਰੱਗ ਤਸਕਰੀ ਸੰਬੰਧੀ ਅਤੇ ਅਪਰਾਧਿਕ ਗਰੁੱਪ ਦੇ ਮੈਂਬਰ ਹੋਣ ਸੰਬੰਧੀ ਦੋਸ਼ ਲੱਗੇ ਹਨ।
ਗ੍ਰਿਫਤਾਰ ਕੀਤੇ ਗਏ ਲੋਕਾਂ 'ਚ ਵੈਨਕੂਵਰ ਦਾ 29 ਸਾਲਾ ਅਮਨਦੀਪ ਸਿੰਘ ਕੰਗ ਅਤੇ ਸਰੀ ਦਾ 22 ਸਾਲਾ ਡਾਈਲਨ ਰੌਬਰਟ ਫੈਰੀਸ ਸ਼ਾਮਿਲ ਹੈ।
ਇਸ ਤੋਂ ਇਲਾਵਾ ਸਰੀ ਦੀ 45 ਸਾਲਾ ਮੌਸ਼ਮੇਮ ਖਾਨੂਨ ਖਾਨ ਅਤੇ ਵੈਨਕੂਵਰ ਦੀ 25 ਸਾਲਾ ਤਨੀਸ਼ਾ ਭੱਟੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
21 ਸਾਲਾ ਐਂਡਰਿਊ ਮਿਗੁਏਲ ਬੈਸਟ ਅਤੇ 21 ਸਾਲਾ ਜੰਨਤ ਬੀਬੀ ਨਦੀਮ ਦੇ ਫਿਲਹਾਲ ਪੁਲਿਸ ਦੇ ਹੱਥ ਨਾ ਲੱਗਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
