14.23C Vancouver 14.23C VancouverOct 17, 2023 6:01 PM - The Canadian Press
ਕੈਨੇਡਾ ਦੀ ਵਿਦੇਸ਼ ਮੰਤਰੀ ਮੇਲੇਨੀ ਜੌਲੀ ਨੇ ਓਟਾਵਾ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਚੱਲ ਰਹੀ ਜੰਗ ਵਿੱਚ ਇੱਕ ਹੋਰ ਕੈਨੇਡੀਅਨ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ।
ਇੱਕ ਹਫ਼ਤਾ ਪਹਿਲਾਂ ਇਜ਼ਰਾਈਲ ਵਿੱਚ ਹਮਾਸ ਦੇ ਹਮਲੇ ਦੌਰਾਨ ਬੰਧਕ ਬਣਾਈ ਗਈ ਇੱਕ ਨੌਜਵਾਨ ਲੜਕੀ ਦੀ ਜੰਗ ਵਿੱਚ ਮੌਤ ਹੋਈ ਹੈ।
ਜੌਲੀ ਨੇ ਕਿਹਾ ਅਸੀਂ ਹੁਣ ਛੇ ਮੌਤਾਂ ਦੀ ਪੁਸ਼ਟੀ ਕਰ ਰਹੇ ਹਾਂ ਅਤੇ 2 ਕੈਨੇਡੀਅਨ ਅਜੇ ਵੀ ਲਾਪਤਾ ਹਨ। ਮਰਨ ਵਾਲੀ ਲੜਕੀ ਦਾ ਨਾਮ ਟਿਫੇਰੇਟ ਲੈਪਿਡੋਟ ਹੈ, ਪਰਿਵਾਰ ਨੇ ਉਸ ਦੀ ਮੌਤ ਨੂੰ ਮੀਡੀਆ ਨਾਲ ਸਾਂਝਾ ਕਰਨ ਦੀ ਸਹਿਮਤੀ ਦਿੱਤੀ ਹੈ।
ਪਰਿਵਾਰ ਅਨੁਸਾਰ ਟਿਫੇਰੇਟ ਨੇ ਹਮਾਸ ਹਮਲੇ ਦੌਰਾਨ ਆਪਣੀ ਮਾਂ ਨੂੰ ਫ਼ੋਨ ਕੀਤਾ ਅਤੇ ਦੱਸਿਆ ਕਿ ਇੱਕ ਅੱਤਵਾਦੀ ਹਮਲਾ ਹੋ ਰਿਹਾ ਹੈ ਤੇ ਉਹ ਇੱਕ ਦੋਸਤ ਦੇ ਨਾਲ ਝਾੜੀਆਂ ਵਿੱਚ ਲੁਕੀ ਹੋਈ ਸੀ ਜਿਸਨੂੰ 7 ਅਕਤੂਬਰ ਨੂੰ ਅਗਵਾ ਕਰ ਲਿਆ ਸੀ।
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਕੈਨੇਡੀਅਨ ਆਰਮਡ ਫੋਰਸਿਜ਼ ਦੀਆਂ 10 ਤੋਂ ਵੱਧ ਉਡਾਣਾਂ ਹੁਣ ਤੱਕ ਤਲ ਅਵੀਵ ਤੋਂ 1,300 ਤੋਂ ਵੱਧ ਯਾਤਰੀਆਂ ਨੂੰ ਇਜ਼ਰਾਈਲ ਤੋਂ ਕੱਢ ਚੁੱਕੀਆਂ ਹਨ।
ਦੱਸ ਦਈਏ ਕਿ ਇਜ਼ਰਾਈਲ-ਹਮਾਸ ਯੁੱਧ ਵਿੱਚ ਹੁਣ ਤੱਕ 6 ਕੈਨੇਡੀਅਨਾਂ ਦੀ ਮੌਤ ਦੀ ਪੁਸ਼ਟੀ ਹੋ ਗਈ ਹੈ ਅਤੇ 2 ਹੋਰ ਲਾਪਤਾ ਦੱਸੇ ਜਾ ਰਹੇ ਹਨ।
ਮਰਨ ਵਾਲਿਆਂ ਵਿੱਚ 3 ਲੜਕੀਆਂ ਤੇ 3 ਲੜਕੇ ਸ਼ਾਮਿਲ ਹਨ।
