16.64C Vancouver 16.64C VancouverFeb 12, 2021 3:49 AM -
ਬੀ.ਸੀ. 'ਚ ਸਕਵਾਮਿਸ਼ ਦੇ ਕੋਲ 2 ਸਕੀਅਰਜ਼ ਨੂੰ ਬਚਾਇਆ ਗਿਆ ਹੈ।
ਇਹਨਾਂ 'ਚ ਇੱਕ ਨੂੰ ਲੱਤ 'ਤੇ ਸੱਟ ਲੱਗੀ ਸੀ।
ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਸਕਵਾਮਿਸ਼ ਸਰਚ ਐਂਡ ਰੈਸਕਿਊ ਦੇ ਮੈਨੇਜਰ, ਟਾਈਲੜ ਡੰਕਨ ਨੇ ਦੱਸਿਆ ਕਿ ਇਹ ਜੋੜਾ 'ਮੈਮਕੁਅਮ ਲੇਕ' ਇਲਾਕੇ 'ਚ ਸਕੀਇੰਗ ਅਤੇ ਕੈਂਪਿੰਗ ਕਰ ਰਿਹਾ ਸੀ।
ਪਰ ਦੋਨਾਂ ਵਿੱਚੋਂ ਇੱਕ ਡਿੱਗ ਗਿਆ ਅਤੇ ਉਹ ਸਕੀ ਕਰਨ 'ਚ ਅਸਮਰੱਥ ਹੋ ਗਿਆ।
ਡੰਕਨ ਨੇ ਦੱਸਿਆ ਕਿ, ਡਿਗਦੇ ਹੋਏ ਤਾਪਮਾਨ ਵਿਚਾਲੇ ਲੋਕਲ ਹੈਲੀਕਾਪਟਰ ਦੀ ਵਰਤੋਂ ਕਰਨਾ ਸੁਰੱਖਿਅਤ ਨਹੀਂ ਸੀ, ਅਤੇ ਇਸੇ ਕਾਰਨ ਉਨ੍ਹਾਂ ਸੀ.ਐਫ.ਬੀ. ਕੋਮੌਕਸ ਤੋਂ ਇੱਕ ਮਿਲਟਰੀ ਹੈਲੀਕਾਪਟਰ ਮੰਗਵਾਇਆ।
ਹਾਲਾਂਕਿ ਸਕੀਅਰਜ਼ ਬਾਰੇ ਦੱਸਿਆ ਗਿਆ ਕਿ ਉਹ ਚੰਗਾ ਤਜਰਬਾ ਰੱਖਦੇ ਸਨ ਅਤੇ ਉਨ੍ਹਾਂ ਸੈਟੇਲਾਈਟ ਕਮਿਊਨੀਕੇਸ਼ਨ ਡਿਵਾਈਸ ਦੀ ਵਰਤੋਂ ਕਰ ਸੰਪਰਕ ਬਣਾਇਆ ਸੀ।
ਉਨ੍ਹਾਂ ਦੱਸਿਆ ਕਿ ਦੋਨੇ ਵਿਅਕਤੀ ਸਕਵਾਮਿਸ਼ ਦੇ ਸਨ ਅਤੇ ਉਨ੍ਹਾਂ ਨੂੰ ਲੋਕਲ ਹਸਪਤਾਲ ਪਹੁੰਚਾਇਆ ਗਿਆ ਸੀ।
