12.75C Vancouver 12.75C VancouverJun 24, 2022 1:57 PM - THE CANADIAN PRESS
ਐਲਬਰਟਾ ਦੇ ਪ੍ਰੀਮੀਅਰ ਵਜੋਂ ਜੇਸਨ ਕੈਨੀ ਦੀ ਜਗ੍ਹਾ ਲੈਣ ਲਈ ਚੋਣ ਮੈਦਾਨ ਵਿਚ ਉਤਰੀ ਡੈਨੀਅਲ ਸਮਿਥ ਨੇ ਵੱਡਾ ਬਿਆਨ ਦਿੱਤਾ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਜੇ ਉਹ ਜਿੱਤ ਜਾਂਦੇ ਨੇ ਤਾਂ ਸੂਬੇ ਦੇ ਹਿੱਤਾਂ ਖਿਲਾਫ਼ ਸਮਝੇ ਜਾਂਦੇ ਫੈਡਰਲ ਕਾਨੂੰਨਾਂ ਨੂੰ ਨਜ਼ਰਅੰਦਾਜ਼ ਕਰਨ ਲਈ ਇਸੇ ਪਤਝੜ ਵਿਚ ਕਾਨੂੰਨ ਪੇਸ਼ ਕੀਤਾ ਜਾਵੇਗਾ।
ਡੈਨੀਅਲ ਸਮਿਥ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਟੈਕਸ ਕੁਲੈਕਟ ਕਰਨ ਲਈ ਸੂਬੇ ਦੀ ਆਪਣੀ ਏਜੰਸੀ ਤੇ ਐਲਬਰਟਾ ਪੁਲਿਸ ਫੋਰਸ ਲਾਂਚ ਕਰਨ ਲਈ ਵੀ ਪਹਿਲਕਦਮੀ ਕਰੇਗੀ।
ਉਨ੍ਹਾਂ ਪਿਛਲੇ ਸਾਲ ਦੀ ਸਮਾਨਤਾ ਰਾਏਸ਼ੁਮਾਰੀ ਤੇ ਫੇਅਰ ਡੀਲ ਪੈਨਲ ਦੇ ਨਤੀਜਿਆਂ ਦਾ ਹਵਾਲਾ ਦਿੰਦੇ ਕਿਹਾ ਕਿ ਸੂਬਾ ਸਰਕਾਰ ਕੋਲ ਐਲਬਰਟਾ ਦੀ ਹੋਰ ਖੁਦਮੁਖਤਿਆਰੀ ਲਈ ਕਦਮ ਚੁੱਕਣ ਦਾ ਜਨਾਦੇਸ਼ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਕੋਵਿਡ ਵੈਕਸੀਨ ਸਬੰਧੀ ਕਿਸੇ ਵੀ ਫੈਡਰਲ ਨਿਯਮ ਜਿਵੇਂ ਕਿ ਬੱਚਿਆਂ ਲਈ ਸ਼ਾਟਸ ਜਾਂ ਸਾਰਿਆਂ ਲਈ ਤੀਜੀ ਡੋਜ਼ ਦੇ ਹੁਕਮਾਂ ਨੂੰ ਰੱਦ ਕਰਨ ਲਈ ਸੂਬੇ ਨੂੰ ਤੇਜ਼ੀ ਨਾਲ ਅੱਗੇ ਵਧਣ ਦੀ ਜ਼ਰੂਰਤ ਹੋਏਗੀ।
ਉੱਥੇ ਹੀ, ਕੈਲਗਰੀ ਲਾਅ ਦੇ ਪ੍ਰੋਫੈਸਰ ਮਾਰਟਿਨ ਓਲਜ਼ਿੰਸਕੀ ਦਾ ਕਹਿਣਾ ਹੈ ਕਿ ਸਮਿਥ ਦੀ ਯੋਜਨਾ ਨਾ ਸਿਰਫ ਗੈਰ-ਕਾਨੂੰਨੀ ਅਤੇ ਗੈਰ-ਸੰਵਿਧਾਨਕ ਹੈ ਸਗੋਂ ਖਤਰਨਾਕ ਤੇ ਗੈਰ-ਲੋਕਤੰਤਰੀ ਵੀ ਹੈ।
