ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਵੱਖਵਾਦੀ ਪਾਰਟੀ ਨਹੀਂ ਹੈ : ਡੈਨੀਅਲ ਸਮਿਥ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਵੱਖਵਾਦੀ ਪਾਰਟੀ ਨਹੀਂ ਹੈ, ਭਾਵੇਂ ਕਿ ਇਸ ਦੇ ਕੁਝ ਮੈਂਬਰਾਂ ਵਿੱਚ ਆਜ਼ਾਦੀ ਪੱਖੀ ਭਾਵਨਾਵਾਂ ਵੱਧ ਰਹੀਆਂ ਹਨ। ਅਸਲ ਵਿਚ ਯੂ.ਸੀ.ਪੀ. ਨੂੰ ਅੰਦਰੂਨੀ ਮਤਭੇਦਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜਿਸ ਵਿੱਚ ਕੁਝ ਮੈਂਬਰ ਅਤੇ ਨਵੇਂ ਚੁਣੇ ਗਏ ਬੋਰਡ ਅਧਿਕਾਰੀ ਖੁੱਲ੍ਹੇਆਮ ਆਜ਼ਾਦੀ ਦੀ ਵਕਾਲਤ ਕਰ ਰਹੇ ਹਨ।

ਔਟਵਾ ਨਾਲ ਇੱਕ ਹਾਲੀਆ ਐਨਰਜੀ ਡੀਲ ਨੂੰ ਪਾਰਟੀ ਦੇ ਸਾਲਾਨਾ ਸੰਮੇਲਨ ਵਿੱਚ ਕੁਝ ਡੈਲੀਗੇਟਾਂ ਵਲੋਂ ਨਕਾਰਿਆ ਗਿਆ। ਪ੍ਰੀਮੀਅਰ ਨੇ ਕਿਹਾ ਕਿ ਸੂਬਾ ਔਟਵਾ ਨਾਲ ਕਈ ਹੋਰ ਮੁੱਦਿਆਂ 'ਤੇ ਗੱਲਬਾਤ ਜਾਰੀ ਰੱਖਣਗੇ। ਪਾਰਟੀ ਚਾਹੁੰਦੀ ਹੈ ਕਿ ਕੈਨੇਡਾ ਵਿਚ ਰਹਿੰਦੇ ਹੋਏ ਐਲਬਰਟਾ ਹੋਰ ਵਿਕਾਸ ਕਰੇ। ਸਮਿਥ ਦਾ ਸ਼ੁਰੂ ਤੋਂ ਕਹਿਣਾ ਹੈ ਕਿ ਸੂਬੇ ਦੇ ਤੇਲ ਸੈਕਟਰ ਦਾ ਵਿਸ਼ਵ ਪੱਧਰ 'ਤੇ ਵਿਕਾਸ ਕਰਕੇ ਨੌਕਰੀਆਂ ਵਧਾਈਆਂ ਜਾ ਸਕਦੀਆਂ ਹਨ।