13.12C Vancouver 13.12C VancouverDec 22, 2021 10:03 PM - The Canadian Press
ਬੀ.ਸੀ. ਦੇ ਦੱਖਣੀ ਅਤੇ ਸੈਂਟਰਲ ਇਲਾਕਿਆਂ 'ਚ ਬਰਫੀਲੀ ਬਾਰਿਸ਼ ਅਤੇ ਭਾਰੀ ਬਰਫਬਾਰੀ ਸੰਬੰਧੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
ਐਨਵਾਇਰਨਮੈਂਟ ਕੈਨੇਡਾ ਨੇ ਵੀਰਵਾਰ ਤਕ ਦੇ ਲਈ ਬਰਫਬਾਰੀ ਅਤੇ ਸਰਦ ਤੂਫਾਨ ਦੀ ਚੇਤਾਵਨੀ ਜਾਰੀ ਕੀਤੀ ਹੈ।
ਇਸ 'ਚ ਫਰੇਜ਼ਰ ਵੈਲੀ ਤੋਂ ਪੀਸ ਰਿਵਰ ਡਿਸਟ੍ਰਿਕਟ ਤਕ ਦੇ ਇਲਾਕੇ ਸ਼ਾਮਿਲ ਹਨ।
ਹਾਲ 'ਚ ਟਰੈਫਿਕ ਦੀ ਆਵਾਜਾਈ ਲਈ ਖੋਲ੍ਹੇ ਗਏ ਕੋਕਿਹਾਲਾ ਹਾਈਵੇਅ 'ਤੇ ਵੀਰਵਾਰ ਨੂੰ 35 ਤੋਂ 60cm ਤਕ ਬਰਫਬਾਰੀ ਦਾ ਅਨੁਮਾਨ ਦੱਸਿਆ ਗਿਆ ਹੈ।
ਯੈਲੋਹੈਡ, ਕੂਟਨੀ ਅਤੇ ਐਲੀਸਨ ਪਾਸ ਕੋਲ ਹਾਈਵੇਅ 3, ਅਤੇ ਰੈਵਲਸਟੋਕ ਇਲਾਕੇ ਕੋਲ ਹਾਈਵੇਅ 1 'ਤੇ ਵੀ ਭਾਰੀ ਬਰਫਬਾਰੀ ਦਾ ਅਨੁਮਾਨ ਹੈ।
ਇਨ੍ਹਾਂ ਇਲਾਕਿਆਂ 'ਚ 15 ਤੋਂ 70cm ਤਕ ਬਰਫਬਾਰੀ ਹੋਣ ਦੀ ਸੰਭਾਵਨਾ ਹੈ।
ਸਕਵਾਮਿਸ਼ ਅਤੇ ਵਿਸਲਰ ਵਿਚਾਲੇ ਸੀ ਟੁ ਸਕਾਈ ਹਾਈਵੇਅ ਦੇ ਇਲਾਕੇ 'ਚ 25cm ਤਕ ਬਰਫਬਾਰੀ ਹੋ ਸਕਦੀ ਹੈ।
ਵਾਹਨ ਚਾਲਕਾਂ ਲਈ ਆਵਾਜਾਈ ਦੌਰਾਨ ਸੜਕਾਂ 'ਤੇ ਖਾਸ ਧਿਆਨ ਰੱਖਣ ਦੀ ਸਲਾਹ ਦਿੱਤੀ ਗਈ ਹੈ।
