22.2C Vancouver 22.2C VancouverDec 8, 2025 9:09 PM - Connect Newsroom - Pervez Sandhu
ਸਰੀ ਵਿੱਚ 120 ਸਟ੍ਰੀਟ ਅਤੇ ਓਲਡ ਯੇਲ ਰੋਡ ਕੋਲ ਸਥਿਤ ਖਾਲਸਾ ਸਕੂਲ ਵਿਖੇ ਇਸ ਵੀਕਐਂਡ ਦੌਰਾਨ ਵਾਪਸੀ ਸੇਵਾ ਸੋਸਾਈਟੀ ਵੱਲੋਂ ਇੱਕ ਵੈਲਫੇਅਰ ਵਰਕਸ਼ੌਪ ਦਾ ਪ੍ਰਬੰਧ ਕੀਤਾ ਗਿਆ।
ਇਸ ਦਾ ਮੰਤਵ ਲੋਕਾਂ ਨੂੰ ਐਡਿਕਸ਼ਨ ਅਤੇ ਮੈਂਟਲ ਹੈਲਥ ਸੰਬੰਧੀ ਜਾਣੂ ਕਰਵਾਉਣਾ ਸੀ।
ਈਵੈਂਟ ਦੁਪਹਿਰ 1 ਵਜੇ ਤੋਂ ਸ਼ਾਮ ਕਰੀਬ 5 ਵਜੇ ਤੱਕ ਜਾਰੀ ਰਿਹਾ।
ਇਸ ਦੌਰਾਨ ਵੱਖੋ ਵੱਖਰੇ ਬੁਲਾਰਿਆਂ ਨੇ ਵਿਚਾਰ ਸਾਂਝੇ ਕੀਤੇ ਅਤੇ ਵਰਕਸ਼ਾਪ ਅਟੈਂਡ ਕਰਨ ਪਹੁੰਚੇ ਕਰੀਬ 300 ਲੋਕਾਂ ਨੂੰ ਆਪਣੇ ਤਜਰਬਿਆਂ ਆਸਰੇ ਸਬਸਟੈਂਸ ਵਰਤੋਂ ਅਤੇ ਐਡਿਕਸ਼ਨਸ ਦੀਆਂ ਹਾਨੀਆਂ ਅਤੇ ਕਮਿਊਨਿਟੀ 'ਤੇ ਪੈਣ ਵਾਲੇ ਪ੍ਰਭਾਵ ਬਾਰੇ ਸਮਝਾਇਆ।
ਇਸ ਦੌਰਾਨ ਕੁਝ ਅਜਿਹੇ ਬੁਲਾਰੇ ਵੀ ਮੌਜੂਦ ਸਨ ਜਿੰਨਾ ਖੁਦ ਐਡਿਕਸ਼ਨਸ ਕਾਰਨ ਨੁਕਸਾਨ ਝੱਲੇ ਹਨ ਅਤੇ ਉਨ੍ਹਾਂ ਨਿਜੀ ਤਜਰਬੇ ਸਾਂਝੇ ਕਰਦਿਆਂ ਲੋਕਾਂ ਨੂੰ ਉਨ੍ਹਾਂ ਦੇ ਨੁਕਸਾਨਾਂ ਨੂੰ ਵੇਖ ਸਿੱਖਣ ਅਤੇ ਨਸ਼ਿਆਂ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ।
ਪ੍ਰਬੰਧਕਾਂ 'ਚ ਸ਼ਾਮਿਲ ਗੁਰਮੁਖ ਸਿੰਘ ਦਾ ਕਹਿਣਾ ਸੀ ਕਿ ਇਸ ਉਪਰਾਲੇ ਆਸਰੇ ਉਹ ਕੋਸ਼ਿਸ਼ ਕਰ ਰਹੇ ਹਨ ਕਿ ਪ੍ਰਭਾਵਿਤ ਲੋਕਾਂ ਨੂੰ ਸਹਿਯੋਗ ਅਤੇ ਸਿੱਖਿਆ ਪ੍ਰਦਾਨ ਕੀਤੀ ਜਾਵੇ ਅਤੇ ਉਨ੍ਹਾਂ ਨੂੰ ਇਸ ਸੰਕਟ ਵਿੱਚੋਂ ਨਿਕਲਣ ਲਈ ਟੂਲਸ ਪ੍ਰਦਾਨ ਕੀਤੇ ਜਾ ਸਕਣ।
