14.98C Vancouver 14.98C VancouverJan 29, 2022 12:16 AM - The Canadian Press
ਔਟਵਾ ਵੱਲ ਵਧਦੇ ਟਰੱਕਰਸ ਦੇ ਕਾਫਿਲੇ ਬਾਰੇ ਦੱਸਿਆ ਜਾ ਰਿਹਾ ਹੈ ਕਿ ਟਰੱਕਰਸ ਕੱਲ ਔਟਵਾ ਪਹੁੰਚ ਰਹੇ ਹਨ।
ਹਾਲਾਂਕਿ ਇਸ ਤੋਂ ਪਹਿਲਾਂ ਹੀ ਅੱਜ ਕੁਝ ਟਰੱਕਰਸ ਦੇ ਪਾਰਲੀਅਮੈਂਟ ਹਿਲ ਪਹੁੰਚਣ ਅਤੇ ਇਲਾਕੇ 'ਚ ਜ਼ੋਰਦਾਰ ਹੌਂਕਿੰਗ ਕਰਨ ਦੀ ਜਾਣਕਾਰੀ ਉਜਾਗਰ ਹੋਈ ਹੈ।
ਰਿਪੋਰਟ ਅਨੁਸਾਰ ਕੁਝ ਪ੍ਰਦਰਸ਼ਨਕਾਰੀਆਂ ਦਾ ਕਹਿਣਾ ਹੈ ਕਿ ਪਾਰਲੀਅਮੈਂਟ ਹਿਲ ਕੋਲ ਪ੍ਰਦਰਸ਼ਨ ਕੀਤੇ ਜਾਣਗੇ ਅਤੇ ਅਜਿਹਾ ਉਸ ਵੇਲੇ ਤਕ ਜਾਰੀ ਰੱਖਿਆ ਜਾਵੇਗਾ ਜਦ ਤਕ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਸਤੀਫਾ ਨਹੀਂ ਦੇ ਦਿੰਦੇ।
ਔਟਵਾ ਪੁਲਿਸ ਵੱਲੋਂ ਕਾਫਿਲੇ ਦੇ ਪਹੁੰਚਣ ਤੋਂ ਪਹਿਲਾਂ ਸਖਤ ਪ੍ਰਬੰਧ ਕੀਤੇ ਜਾ ਰਹੇ ਹਨ।
ਕਾਫਿਲੇ 'ਚ ਸ਼ਾਮਿਲ ਟਰੱਕਰਸ ਦੀ ਮੰਗ ਹੈ ਕਿ ਅਮਰੀਕਾ ਤੋਂ ਕੈਨੇਡਾ ਪਰਤਦੇ ਹੋਏ ਕੋਵਿਡ-19 ਸੰਬੰਧੀ ਕੁਆਰੰਟੀਨ ਦੀਆਂ ਪਬੰਦੀਆਂ ਨੂੰ ਖਤਮ ਕੀਤਾ ਜਾਵੇ।
ਹੁਣ ਤਕ ਦਾ ਪਾਰਲੀਅਮੈਂਟ ਹਿਲ ਦੇ ਬਾਹਰ ਦਾ ਮਾਹੌਲ ਸੁਖਾਵਾਂ ਅਤੇ ਪਾਰਟੀ ਜਿਹਾ ਦੱਸਿਆ ਗਿਆ ਹੈ।
ਕੁਝ ਪ੍ਰਦਰਸ਼ਨਕਾਰੀਆਂ ਨੇ ਬਰਬੀਕਿਊ ਸੈਟ-ਅਪ ਕਰ ਲਏ ਹਨ ਅਤੇ ਕੁਝ ਲੋਕ ਗੀਤ ਗਾ ਰਹੇ ਹਨ ਅਤੇ ਟਰੱਕਾਂ ਦੇ ਹੌਰਨ ਵਜਾ ਰਹੇ ਹਨ।
