12.43C Vancouver 12.43C VancouverJan 20, 2023 2:13 AM - Connect News
ਰਿਚਮੰਡ ਆਰ.ਸੀ.ਐਮ.ਪੀ. ਔਰਗੇਨਾਈਜ਼ਡ ਕਰਾਈਮ ਯੂਨਿਟ ਦਾ ਕਹਿਣਾ ਹੈ ਕਿ ਇੱਕ ਕਥਿਤ ਆਈਡੈਂਟਿਫਿਕੇਸ਼ਨ ਫੋਰਜਰੀ ਲੈਬ 'ਚ ਤਲਾਸ਼ੀ ਵਾਰੰਟ ਨੂੰ ਅੰਜਾਮ ਦਿੱਤਾ ਗਿਆ।
ਇਹ ਕਥਿਤ ਲੈਬ ਰਿਚਮੰਡ 'ਚ ਇੱਕ ਘਰ 'ਚ ਚਲਾਈ ਜਾ ਰਹੀ ਸੀ।
22 ਦਿਸੰਬਰ ਨੂੰ ਰਿਚਮੰਡ ਆਰ.ਸੀ.ਐਮ.ਪੀ. ਦੇ ਇਕਨੌਮਿਕ ਕਰਾਈਮ ਯੂਨਿਟ ਅਤੇ ਡਰੱਗ ਟਾਰਗੈਟ ਟੀਮ ਵੱਲੋਂ ਤਲਾਸ਼ੀ ਵਾਰੰਟ ਦੌਰਾਨ ਘਰ 'ਚ ਦਾਖਿਲ ਹੋਣ ਦੌਰਾਨ ਧੋਖਾਧੜੀ ਵਾਲੇ ਆਈਡੈਂਟਿਫਿਕੇਸ਼ਨ ਲੈਬ ਦੇ ਸਬੂਤ ਪਾਏ ਗਏ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਲੈਬ ਨੂੰ ਡਿਸਮੈਂਟਲ/ਖਤਮ ਕਰ ਦਿੱਤਾ ਗਿਆ ਹੈ।
ਮੌਕੇ ਤੋਂ ਜ਼ਬਤ ਕੀਤੀ ਗਈ ਸਮਗਰੀ 'ਚ ਹਾਈ ਐਂਡ ਪ੍ਰਿੰਟਰ, ਅਤੇ ਸਰਕਾਰੀ ਆਈਡੈਂਟਿਫਿਕੇਸ਼ਨ ਤੱਕ ਨਾਲ ਫੋਰਜਰੀ ਕਰ ਸਕਣ ਵਾਲੇ ਲੈਮੀਨੇਟਰਸ ਬਰਾਮਦ ਹੋਏ।
ਇਸ ਤੋਂ ਇਲਾਵਾ ਹਜ਼ਾਰਾਂ ਦੀ ਗਿਣਤੀ 'ਚ ਬੈਂਕ ਆਈਡੈਂਟਿਫਿਕੇਸ਼ਨ ਕਾਰਡ, ਕਈ ਇਲੈਕਟਰੌਨਿਕ ਡਿਵਾਈਸ ਐਂਡ ਕੰਪਿਊਟਰ ਅਤੇ ਚੋਰੀ ਕੀਤੀਆਂ ਮੇਲਸ ਅਤੇ ਹੋਰ ਦਸਤਾਵੇਜ਼ ਵੀ ਮੌਕੇ ਤੋਂ ਬਰਾਮਦ ਹੋਏ।
ਮਾਮਲੇ 'ਚ ਇੱਕ ਆਦਮੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਜਿਸ ਨੂੰ ਵਧੇਰੇ ਜਾਂਚ ਦੇ ਚਲਦਿਆਂ ਕੁਝ ਸ਼ਰਤਾਂ 'ਤੇ ਰਿਹਾਅ ਕਰ ਦਿੱਤਾ ਗਿਆ।
