13.73C Vancouver 13.73C VancouverMay 17, 2022 10:29 PM - The Canadian Press
ਬੀ.ਸੀ. 'ਚ ਗਰਮੀ ਦੀ ਰੁੱਤ ਦੀ ਅਧਿਕਾਰਿਤ ਦਸਤਕ ਕਰੀਬ 4 ਹਫ਼ਤੇ ਦੂਰ ਹੈ, ਪਰ ਇਸੇ ਵਿਚਾਲੇ ਦੱਖਣੀ ਤਟ ਦੇ ਨਿਵਾਸੀਆਂ ਨੂੰ ਬਰਫਬਾਰੀ ਸੰਬੰਧੀ ਚੇਤਾਵਨੀ ਦਿੱਤੀ ਜਾ ਰਹੀ ਹੈ।
ਸਾਊਥ ਕੋਸਟ ਦੇ ਉੱਚੇ ਐਲੀਵੇਸ਼ਨਸ ਲਈ ਬਰਫਬਾਰੀ ਲਈ ਸਾਵਧਾਨ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ।
ਐਨਵਾਇਰਨਮੈਂਟ ਕੈਨੇਡਾ ਵੱਲੋਂ ਵੈਨਕੂਵਰ ਆਈਲੈਂਡ ਸਮੇਤ ਸਨਸ਼ਾਈਨ ਕੋਸਟ, ਹਾਓ ਸਾਊਂਡ, ਵਿਸਲਰ, ਲੋਅਰ ਮੇਨਲੈਂਡ ਅਤੇ ਫਰੇਜ਼ਰ ਵੈਲੀ ਦੇ ਇਲਾਕਿਆਂ ਲਈ ਵੀ ਸਪੈਸ਼ਲ ਵੈਦਰ ਸਟੇਟਮੈਂਟ ਜਾਰੀ ਕੀਤੇ ਗਏ ਹਨ।
ਇਨ੍ਹਾਂ ਇਲਾਕਿਆਂ 'ਚ ਅੱਜ ਦੇਰ ਸ਼ਾਮ ਤੋਂ ਤੇਜ ਹਨੇਰੀ ਅਤੇ ਭਾਰੀ ਬਾਰਿਸ਼ ਦੀ ਚੇਤਾਵਨੀ ਦਿੱਤੀ ਗਈ ਹੈ।
ਇਨ੍ਹਾਂ ਇਲਾਕਿਆਂ 'ਚ 60 ਤੋਂ 70mm ਤਕ ਦੀ ਬਾਰਿਸ਼ ਦਾ ਅਨੁਮਾਨ ਹੈ।
ਹਾਲਾਂਕਿ ਇਹ ਸਪਸ਼ਟ ਨਹੀਂ ਹੈ ਕਿ ਤੂਫਾਨ ਅੱਜ ਸ਼ਾਮ ਤਕ ਹੀ ਦਸਤਕ ਦੇ ਦਵੇਗਾ ਜਾਂ ਇਸ ਦੀ ਦਸਤਕ ਆਉਂਦੇ ਦਿਨਾਂ 'ਚ ਵੇਖਣ ਨੂੰ ਮਿਲ ਸਕਦੀ ਹੈ।
ਏਜੈਂਸੀ ਨੇ ਨਿਵਾਸੀਆਂ ਨੂੰ ਮੌਸਮ ਸੰਬੰਧੀ ਨਜਰ ਬਣਾ ਕੇ ਰੱਖਣ ਲਈ ਆਖਿਆ ਹੈ।
