17.9C Vancouver 17.9C VancouverJan 5, 2022 9:25 PM - The Canadian Press
ਐਨਵਾਇਰਨਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਇਸ ਹਫ਼ਤੇ ਲੋਅਰ ਮੇਨਲੈਂਡ 'ਚ ਹੋਣ ਵਾਲੀ ਭਾਰੀ ਬਰਫਬਾਰੀ ਵਿਚਾਲੇ ਇਲਾਕੇ ਦੇ ਲੋਕਾਂ ਨੂੰ ਗੈਰ-ਜਰੂਰੀ ਯਾਤਰਾ ਤੋਂ ਬਚਾਅ ਕਰਨਾ ਚਾਹੀਦਾ ਹੈ।
ਲਗਭਗ ਸਾਰੇ ਸੂਬੇ ਲਈ ਵਿੰਟਰ ਸਟੌਰਮ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਹੋਈ ਬਰਫਬਾਰੀ ਨੇ ਵੀ ਇਲਾਕੇ 'ਚ ਆਵਾਜਾਈ 'ਚ ਅੜਿੱਕੇ ਪੇਸ਼ ਕੀਤੇ ਹਨ। ਸੈਂਟਰਲ ਅਤੇ ਦੱਖਣੀ ਬ੍ਰਿਟਿਸ਼ ਕੋਲੰਬੀਆ 'ਚ ਭਾਰੀ ਬਰਫਬਾਰੀ ਹੋਣ ਜਾ ਰਹੀ ਹੈ।
ਕਈ ਇਲਾਕਿਆਂ 'ਚ 30cm ਤਕ ਬਰਫਬਾਰੀ ਦਾ ਅਨੁਮਾਨ ਦੱਸਿਆ ਗਿਆ ਹੈ।
ਅੱਜ ਦੇਰ ਸ਼ਾਮ ਤੋਂ ਬਰਫਬਾਰੀ ਸ਼ੁਰੂ ਹੋ ਕੇ ਕੱਲ ਸਵੇਰ ਤਕ ਜਾਰੀ ਰਹਿ ਸਕਦੀ ਹੈ।
ਫਰੇਜ਼ਰ ਵੈਲੀ ਈਸਟ ਦੇ ਇਲਾਕੇ 'ਚ ਬਰਫੀਲੀ ਬਾਰਿਸ਼ ਦਾ ਵੀ ਅਨੁਮਾਨ ਹੈ ਜਿਸ ਨਾਲ ਸੜਕਾਂ 'ਤੇ ਬਣੀਆਂ ਚੁਣੌਤੀਪੂਰਨ ਪਰਿਸਥਿਤੀਆਂ 'ਚ ਹੋਰ ਵਾਧਾ ਹੋ ਸਕਦਾ ਹੈ।
ਦੱਖਣੀ ਇੰਟੀਰੀਅਰ ਦੇ ਪਹਾੜੀ ਇਲਾਕਿਆਂ 'ਚ ਰਸਤਿਆਂ 'ਤੇ 40cm ਤਕ ਬਰਫ ਦੀ ਚਾਦਰ ਵਿਛਣ ਦੀ ਸੰਭਾਵਨਾ ਹੈ।
ਇਸ ਤੋਂ ਇਲਾਵਾ ਸੀ ਟੁ ਸਕਾਈ ਹਾਈਵੇਅ ਅਤੇ ਮਾਲਾਹਟ ਹਾਈਵੇਅ 'ਤੇ ਭਾਰੀ ਬਰਫਬਾਰੀ ਦਾ ਅਨੁਮਾਨ ਹੈ।
ਉੱਤਰੀ ਅਤੇ ਉੱਤਰਪੂਰਬੀ ਬੀ.ਸੀ. ਲਈ ਵੀ ਬੇਹੱਦ ਠੰਡੇ ਤਾਪਮਾਨ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
