ਜਗਜੀਤ ਸਿੰਘ ਡੱਲੇਵਾਲ ਲਈ ਤਿਆਰ ‘ਸਪੈਸ਼ਲ ਰੂਮ’

ਪੰਜਾਬ-ਹਰਿਆਣਾ ਦੇ ਖਨੌਰੀ ਬਾਰਡਰ ’ਤੇ ਕਿਸਾਨ ਨੇਤਾ ਜਗਜੀਤ ਸਿੰਘ ਡੱਲੇਵਾਲ ਦਾ ਮਰਨ ਵਰਤ ਵੀਰਵਾਰ ਨੂੰ 59ਵੇਂ ਦਿਨ ਵੀ ਜਾਰੀ ਰਿਹਾ, ਮੈਡੀਕਲ ਟ੍ਰੀਟਮੈਂਟ ਲੈਣ ਤੋਂ ਬਾਅਦ ਉਨ੍ਹਾਂ ਦੀ ਸਿਹਤ ਵਿਚ ਕੁਝ ਸੁਧਾਰ ਹੋ ਰਿਹਾ ਹੈ। ਹੁਣ ਖਨੌਰੀ ਬਾਰਡਰ ’ਤੇ ਡੱਲੇਵਾਲ ਲਈ ਸਪੈਸ਼ਲ ਕਮਰਾ ਬਣ ਰਿਹਾ ਹੈ, ਜੋ ਸ਼ੀਸ਼ੇ ਦਾ ਹੈ ਅਤੇ ਪੂਰੀ ਤਰ੍ਹਾਂ ਸਾਊਂਡ ਪਰੂਫ ਹੋਵੇਗਾ।

ਉਸ ਵਿਚ ਸੂਰਜ ਦੀ ਰੌਸ਼ਨੀ ਆਸਾਨੀ ਨਾਲ ਜਾ ਸਕੇਗੀ। ਡਾਕਟਰਾਂ ਦੀ ਸਲਾਹ ’ਤੇ ਡੱਲੇਵਾਲ ਨੂੰ ਤਾਜ਼ੀ ਹਵਾ ਅਤੇ ਧੁੱਪ ਦਿਵਾਉਣ ਲਈ ਅਜਿਹਾ ਕੀਤਾ ਜਾ ਰਿਹਾ ਹੈ।

ਟਾਇਰਾਂ ਵਾਲੇ ਇਸ ਕਮਰੇ ਨੂੰ ਲੋੜ ਮੁਤਾਬਕ ਧੁੱਪ ਵਿਚ ਆਸੇ-ਪਾਸੇ ਵੀ ਘੁਮਾਇਆ ਜਾ ਸਕੇਗਾ। ਦੱਸ ਦੇਈਏ ਕਿ ਪਟਿਆਲਾ ਦੇ ਰਾਜਿੰਦਰਾ ਹਸਪਤਾਲ ਤੋਂ ਡਾਕਟਰਾਂ ਦੀ ਇੱਕ ਟੀਮ ਉੱਥੇ ਸ਼ਿਫਟਾਂ ਵਿਚ ਤਾਇਨਾਤ ਕੀਤੀ ਗਈ ਹੈ, ਜੋ ਡੱਲੇਵਾਲ ਦੀ ਨਿਗਰਾਨੀ ਕਰ ਰਹੇ ਹਨ।