11.75C Vancouver 11.75C VancouverJul 26, 2022 9:53 PM - The Canadian Press
ਹਾਊਸ ਆਫ ਕਾਮਨਜ਼ ਹੈਰੀਟੇਜ ਕਮੇਟੀ ਵੱਲੋਂ ਅੱਜ ਸਪੋਰਟ ਕੈਨੇਡਾ ਤੋਂ ਹਾਕੀ ਕੈਨੇਡਾ ਨਾਲ ਜੁੜੇ ਵਿਵਾਦ ਸੰਬੰਧੀ ਕੁਝ ਤਿੱਖੇ ਸਵਾਲ ਕੀਤੇ ਗਏ।
ਇਸੇ ਦੌਰਾਨ ਦੇਸ਼ ਦੀ ਖੇਡ ਮੰਤਰੀ ਪਾਸਕਲ ਸੇਂਟ ਔਂਜ ਵੀ ਸਵਾਲਾਂ ਦਾ ਸਾਹਮਣਾ ਕਰਨ ਲਈ ਹਾਜਰ ਸਨ।
ਖੇਡ ਮੰਤਰੀ ਨੇ ਕਿਹਾ ਕਿ ਇਸ ਸਾਲ ਤੋਂ ਪਹਿਲਾਂ ਤਕ ਉਹ ਹੌਕੀ ਕੈਨੇਡਾ ਨਾਲ ਜੁੜੇ ਵਿਵਾਦ ਬਾਰੇ ਜਾਣੂ ਨਹੀਂ ਸਨ।
ਸਪੋਰਟ ਕੈਨੇਡਾ ਦੇ ਅਧਿਕਾਰੀਆਂ ਨੂੰ ਟੈਸਟੀਫਾਈ ਕਰਨ ਲਈ ਸੱਦਿਆ ਗਿਆ ਸੀ ਤਾਂ ਜੋ ਸਪਸ਼ਟ ਹੋ ਸਕੇ ਕਿ ਜੂਨ 2018 'ਚ ਜਦ ਹੌਕੀ ਕੈਨੇਡਾ ਨੂੰ ਜਿਨਸੀ ਹਮਲੇ ਸੰਬੰਧੀ ਇਲਜਾਮਾਂ ਦਾ ਪਤਾ ਲੱਗਿਆ, ਉਸ ਵੇਲੇ ਤੋਂ ਹੁਣ ਮਈ 2022 ਤਕ ਕੀ ਕੁਝ ਹੋਇਆ।
ਕਈ ਮੈਂਬਰ ਪਾਰਲੀਅਮੈਂਟਸ ਨੇ ਸਪੋਰਟ ਕੈਨੇਡਾ ਤੋਂ ਸਵਾਲ ਕੀਤੇ ਕਿ ਇਸ ਸਾਲ ਜੂਨ ਤੋਂ ਪਹਿਲਾਂ ਹੌਕੀ ਕੈਨੇਡਾ ਦੀ ਫੰਡਿੰਗ ਕਿਉਂ ਨਹੀਂ ਰੋਕੀ ਗਈ ਅਤੇ ਮਾਮਲੇ 'ਚ ਕੋਈ ਫੌਲੋਅਪ ਕਿਉਂ ਨਹੀਂ ਕੀਤਾ ਗਿਆ।
ਯਾਦ ਰਹੇ ਮਾਮਲਾ ਜੂਨੀਅਰ ਹੌਕੀ ਟੀਮ ਨਾਲ ਸੰਬੰਧਤ ਹੈ ਅਤੇ ਇੱਕ ਔਰਤ ਦਾ ਕਹਿਣਾ ਹੈ ਕਿ 8 ਖਿਡਾਰੀਆਂ ਨੇ ਉਸ 'ਤੇ ਜਿਨਸੀ ਹਮਲਾ ਕੀਤਾ ਸੀ।
ਮਾਮਲਾ ਔਂਟੈਰੀਓ ਦੇ ਲੰਡਨ ਨਾਲ ਸੰਬੰਧਤ ਦੱਸਿਆ ਗਿਆ ਸੀ।
ਇਸ ਮਾਮਲੇ 'ਚ ਅੱਜ ਦੀ ਸੁਣਵਾਈ ਤੋਂ ਬਾਅਦ ਖੇਡ ਮੰਤਰੀ ਪਾਸਕਲ ਸੇਂਟ ਔਂਜ ਨੇ ਕਿਹਾ ਕਿ ਅਜਿਹੇ ਵਿਵਾਦਾਂ ਅਤੇ ਖਿਡਾਰੀਆਂ 'ਚ ਨਿਰਾਸ਼ਾ ਕਾਰਨ ਹੀ ਫੈਡਰਲ ਸਰਕਾਰ ਆਫਿਸ ਆਫ ਸਪੋਰਟ ਇੰਟੈਗਰਿਟੀ ਕਮਿਸ਼ਨਰ ਨੂੰ ਸਥਾਪਿਤ ਕਰ ਰਹੀ ਹੈ ਜਿਸ ਨੇ ਜੂਨ 'ਚ ਕੰਮ ਸ਼ੁਰੂ ਕਰ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਗਲਤ ਵਿਵਹਾਰ ਦਾ ਸਾਹਮਣਾ ਕਰ ਰਹੇ ਅਥਲੀਟ ਇਸ ਦਫ਼ਤਰ ਤਕ ਪਹੁੰਚ ਕਰ ਸਕਣਗੇ।
