8.93C Vancouver 8.93C VancouverAug 6, 2021 10:12 AM -
ਖੇਡ ਮੰਤਰੀ ਅਨੁਰਾਗ ਠਾਕੁਰ, ਸੋਮਵਾਰ ਨੂੰ, ਟੋਕੀਓ ਓਲੰਪਿਕਸ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਘਰ ਪਰਤਣ 'ਤੇ, ਭਾਰਤ ਦੀ ਮਰਦਾਂ ਦੀ ਹਾਕੀ ਟੀਮ ਨੂੰ ਸਨਮਾਨਿਤ ਕਰਨਗੇ।
41 ਸਾਲ ਲੱਗ ਗਏ ਪਰ ਹਰ ਭਾਰਤੀ ਦਾ ਸੁਪਨਾ, ਵੀਰਵਾਰ ਨੂੰ, ਭਾਰਤੀ ਹਾਕੀ ਟੀਮ ਵੱਲੋਂ, ਓਈ ਹਾਕੀ ਮੈਦਾਨ ਦੀ ਉੱਤਰੀ ਪਿੱਚ 'ਤੇ ਜਰਮਨੀ ਨੂੰ 5-4 ਨਾਲ ਹਰਾ ਕੇ ਕਾਂਸੇ ਦਾ ਤਮਗ਼ਾ ਜਿੱਤ ਕੇ ਪੂਰਾ ਹੋਇਆ ਹੈ।
ਨੀਲੇ ਕੱਪੜਿਆਂ ਵਿੱਚ ਖਿਡਾਰੀਆਂ ਨੇ ਪੂਰੀ ਤਰਾਂ ਲਚਕੀਲਾਪਨ, ਤਾਕਤ ਅਤੇ ਜਿੱਤਣ ਦਾ ਜਜ਼ਬਾ ਵਿਖਾ ਕੇ, ਜਰਮਨ ਟੀਮ ਖ਼ਿਲਾਫ਼ ਜਿੱਤ ਕੇ ਸ਼ਾਨਦਾਰ ਵਾਪਸੀ ਕੀਤੀ ਹੈ।
ਵੀਰਵਾਰ ਨੂੰ ਸਕਿੱਪਰ ਮਨਪ੍ਰੀਤ ਸਿੰਘ ਨੇ ਕਾਂਸੇ ਦਾ ਤਮਗ਼ਾ, ਕੋਵਿਡ-19 ਮਹਾਮਾਰੀ ਦੌਰਾਨ ਮਰੀਜ਼ਾਂ ਦੀਆਂ ਜਾਨਾਂ ਬਚਾਉਣ ਲਈ ਕੰਮ ਕਰ ਰਹੇ ਯੋਧਿਆਂ ਨੂੰ ਸਮਰਪਿਤ ਕੀਤਾ ਹੈ।
"ਅਤੇ ਹੁਣ, ਲੰਮੇ ਸਮੇਂ ਦੇ ਇੰਤਜ਼ਾਰ ਤੋਂ ਬਾਅਦ, ਸੁਪਨਾ ਪੂਰਾ ਹੋਇਆ ਹੈ। ਇਹ ਸਾਰੇ ਖਿਡਾਰੀਆਂ, ਕੋਚਾਂ ਅਤੇ ਸਹਾਇਕ ਸਟਾਫ਼ ਸਾਰਿਆਂ ਦੀਆਂ ਸਾਂਝੀਆਂ ਕੋਸ਼ਿਸ਼ਾਂ ਸਨ। ਅੱਜ ਉਨ੍ਹਾਂ ਸਭ ਦੀ ਨਿਰਲੇਪ ਮਦਦ ਦਾ ਹੀ ਸਕਾਰਾਤਮਕ ਸਿੱਟਾ ਹੈ। ਮੈਂ ਇਹ ਜਿੱਤ ਦੂਜਿਆਂ ਦੀ ਜ਼ਿੰਦਗੀ ਬਚਾਉਣ ਲਈ ਬਿਨਾਂ ਥੱਕਿਆਂ ਕੰਮ ਕਰ ਰਹੇ ਕੋਵਿਡ ਯੋਧਿਆਂ ਨੂੰ ਸਮਰਪਿਤ ਕਰਦਾ ਹਾਂ। ਇਹ ਤਮਗ਼ਾ 41 ਸਾਲਾਂ ਦੇ ਲੰਮੇ ਇੰਤਜ਼ਾਰ ਤੋਂ ਬਾਅਦ ਮਿਲਿਆ ਹੈ ਅਤੇ ਮੈਂਨੂੰ ਯਕੀਨ ਹੈ ਕਿ ਮੇਰੀ ਟੀਮ ਲਗਾਤਾਰ ਹੋਰ ਬਿਹਤਰੀ ਲਈ ਕੰਮ ਕਰੇਗੀ ਅਤੇ ਆਉਣ ਵਾਲੇ ਸਮੇਂ ਵਿੱਚ ਹੋਰ ਬਿਹਤਰ ਖੇਡੇਗੀ,"ਮਨਪ੍ਰੀਤ ਨੇ ਟਵਿੱਟਰ ਨੇ ਲਿਖਿਆ।
"ਅਖ਼ੀਰ ਵਿੱਚ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਜੀ, ਖੇਡ ਮਿਨਿਸਟਰੀ, ਭਾਰਤੀ ਹਾਕੀ, ਐੱਸਏਆਈ, 10 ਏ ਅਤੇ ਪੰਜਾਬ ਪੁਲਿਸ ਦਾ, ਕੌਮੀ ਹਾਕੀ ਟੀਮ ਲਈ ਲਗਾਤਾਰ ਸਹਿਯੋਗ ਅਤੇ ਪ੍ਰੇਰਨਾ ਲਈ ਧੰਨਵਾਦ,"ਉਨ੍ਹਾਂ ਅੱਗੇ ਲਿਖਿਆ।
ਕੋਚ ਗ੍ਰਾਹਮ ਰੀਡ ਵੀ ਇਸ ਵੇਲੇ ਆਪਣੇ ਮੁੰਡਿਆਂ 'ਤੇ ਮਾਣ ਕਰ ਰਹੇ ਹਨ।
ਰੀਡ ਨੇ ਟਵਿੱਟਰ 'ਤੇ ਸਾਰੀ ਹਾਕੀ ਟੀਮ ਨਾਲ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ:"ਇਨ੍ਹਾਂ ਦਿੱਗਜਾਂ 'ਤੇ ਮਾਣ ਹੈ।"
