13.14C Vancouver 13.14C VancouverApr 1, 2021 8:29 PM -
ਬੀ.ਸੀ. 'ਚ ਕੋਵਿਡ-19 ਦੇ ਸਭ ਤੋਂ ਜਾਨਲੇਵਾ ਪ੍ਰਭਾਵ ਝੱਲਣ ਵਾਲੇ ਕੇਅਰ ਹੋਮ ਬਾਰੇ ਜਾਂਚ ਦੀ ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਇਥੇ ਸਟਾਫ਼ ਦੀ ਕਮੀ ਦੀ ਸਮੱਸਿਆ ਅਤੇ ਸਫ਼ਾਈ 'ਚ ਕਮੀ ਜਿਹੀਆਂ ਗੱਲਾਂ ਉਜਾਗਰ ਹੋਈਆਂ ਹਨ।
ਵੈਨਕੂਵਰ ਕੋਸਟਲ ਹੈਲਥ ਦੀ ਇੰਸਪੈਕਸ਼ਨ ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਲਿਟਲ ਮਾਊਂਟੇਨ ਪਲੇਸ 'ਚ ਇਹਨਾਂ ਦੋਵਾਂ ਮਾਮਲਿਆਂ 'ਚ ਕੰਮ ਕੀਤਾ ਗਿਆ ਹੈ ਅਤੇ ਆਊਟਬ੍ਰੇਕ ਦੇ ਜਾਰੀ ਰਹਿਣ ਦੌਰਾਨ ਹੀ ਇਸ 'ਚ ਸੁਧਾਰ ਕਰ ਲਿਆ ਗਿਆ ਸੀ।
ਬਾਰਨੈਡਟ ਚਿਓਂਗ (Bernadette Cheung) ਵੱਲੋਂ ਆਪਣੀ ਦਾਦੀ ਦੀ ਮੌਤ ਮਗਰੋਂ ਇੱਕ ਸ਼ਿਕਾਇਤ ਕੀਤੀ ਗਈ ਸੀ।
ਹਾਲਾਂਕਿ ਉਨ੍ਹਾਂ ਦਾ ਕਹਿਣਾ ਹੈ ਕਿ ਰਿਪੋਰਟ 'ਚ ਬਹੁਤੀਆਂ ਡਿਟੇਲਸ ਨਹੀਂ ਹਨ।
ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ 22 ਨਵੰਬਰ ਨੂੰ ਆਊਟਬ੍ਰੇਕ ਐਲਾਨਣ ਮੌਕੇ ਸਟਾਫ਼ ਦੀ ਕਮੀ ਨਹੀਂ ਸੀ ਪਰ ਕਈ ਮੈਂਬਰਾਂ ਦੇ ਬਿਮਾਰ ਹੋਣ ਤੋਂ ਬਾਅਦ ਸਟਾਫ਼ ਦੀ ਕਮੀ ਦਾ ਸਾਹਮਣਾ ਕਰਨਾ ਪਿਆ ਸੀ।
ਦੱਸਿਆ ਗਿਆ ਕਿ ਵੈਨਕੂਵਰ ਕੋਸਟਲ ਹੈਲਥ ਵੱਲੋਂ ਬੇਸਲਾਈਨ ਰਿਕਵਾਇਰਮੈਂਟਸ ਨੂੰ 20% ਤਕ ਵਧਾਉਣ ਲਈ ਸਟਾਫ਼ ਨੂੰ ਭੇਜ ਦਿੱਤਾ ਸੀ।
ਯਾਦ ਰਹੇ ਇਸ ਕੇਅਰ ਹੋਮ 'ਚ 41 ਮੌਤਾਂ ਹੋਈਆਂ ਸਨ।
