22.89C Vancouver 22.89C VancouverJan 5, 2021 9:39 PM -
ਇੰਟਰਗਵਰਨਮੈਂਟਲ ਅਫੇਅਰਸ ਮੰਤਰੀ, ਡੌਮਿਨਿਕ ਲੈਬਲੌਂ ਦਾ ਕਹਿਣਾ ਹੈ ਕਿ ਫੈਡਰਲ ਸਰਕਾਰ ਵੱਧ ਤੋਂ ਵੱਧ ਕਦਮ ਚੁੱਕਣ ਦੀ ਕੋਸ਼ਿਸ਼ ਕਰੇਗੀ, ਜਿਸ ਨਾਲ ਕਿਸੇ ਵੀ ਪ੍ਰਕਾਰ ਦੀ ਗੈਰ-ਜ਼ਰੂਰੀ ਯਾਤਰਾ ਤੋਂ ਲੋਕਾਂ ਨੂੰ ਰੋਕਿਆ ਜਾ ਸਕੇ।
ਹਾਲਾਂਕਿ ਉਨ੍ਹਾਂ ਕਿਹਾ ਹੈ ਕਿ ਉਹ ਕਿਸੇ ਅਜਿਹੇ ਦੇਸ਼ਾਂ ਦੀ ਗਿਣਤੀ 'ਚ ਸ਼ਾਮਿਲ ਨਹੀਂ ਹੋਣਾ ਚਾਹੁੰਦੇ, ਜਿੱਥੇ ਦੇਸ਼ ਤੋਂ ਬਾਹਰ ਜਾਣ ਲਈ ਐਗਜ਼ਿਟ ਵੀਜ਼ਾ ਦੀ ਲੋੜ ਪੈਂਦੀ ਹੋਵੇ।
ਉਨ੍ਹਾਂ ਕਿਹਾ ਕਿ ਫੈਡਰਲ ਸਰਕਾਰ ਨੇ ਲਗਾਤਾਰ ਸਪਸ਼ਟ ਕੀਤਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਵਿਚਾਲੇ ਵਿਦੇਸ਼ ਯਾਤਰਾ ਕਰਨਾ ਚੰਗਾ ਆਈਡੀਆ ਨਹੀਂ ਹੈ।
ਯਾਦ ਰਹੇ ਇਸ ਵੀਰਵਾਰ ਤੋਂ ਕੈਨੇਡਾ ਆਉਂਦੇ ਵਿਦੇਸ਼ ਦੇ ਯਾਤਰੀਆਂ ਨੂੰ ਬੀਤੇ 72 ਘੰਟੇ ਵਿਚਾਲੇ ਹਾਸਿਲ ਕੀਤੇ ਕੋਵਿਡ-19 ਦੇ ਨੈਗੇਟਿਵ ਨਤੀਜੇ ਵਿਖਾਉਣਾ ਜ਼ਰੂਰੀ ਹੋਵੇਗਾ।
ਹਾਲਾਂਕਿ ਇਹ ਸਵਾਲ ਵੀ ਉੱਠਣ ਲੱਗੇ ਹਨ ਕਿ ਅਜਿਹੇ ਥਾਵਾਂ ਬਾਰੇ ਕੀ ਫੈਸਲਾ ਹੋਵੇਗਾ ਜਿੱਥੇ ਇਸ ਪ੍ਰਕਾਰ ਦੇ ਟੈਸਟ ਹਾਸਿਲ ਕਰਨਾ ਮੁਸ਼ਕਿਲ ਹੈ।
