ਸਟੇਟਕੈਨ ਜਾਰੀ ਕਰੇਗੀ ਅਗਸਤ ਦੀ ਜੀ. ਡੀ. ਪੀ. ਰਿਪੋਰਟ, ਆਰਥਿਕ ਵਿਕਾਸ ਹੋਣ ਦੀ ਉਮੀਦ

ਕੈਨੇਡੀਅਨ ਆਰਥਿਕਤਾ ਨੇ ਅਗਸਤ ਵਿਚ ਫਲੈਟ ਵਿਕਾਸ ਦਰ ਦਰਜ ਕੀਤੀ ਹੈ। ਹਾਲਾਂਕਿ, ਸਤੰਬਰ ਵਿਚ ਇਸ ਦੇ 0.3 ਫੀਸਦੀ ਵਧਣ ਦੀ ਸੰਭਾਵਨਾ ਜਤਾਈ ਗਈ ਹੈ ਪਰ ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਤੀਜੇ ਕੁਆਰਟਰ ਵਿਚ ਜੀ. ਡੀ. ਪੀ. ਕੁੱਲ ਮਿਲਾ ਕੇ 1 ਫੀਸਦੀ ਵਧਣ ਦਾ ਅਨੁਮਾਨ ਹੈ। ਇਹ ਬੈਂਕ ਆਫ਼ ਕੈਨੇਡਾ ਦੇ 1.5 ਫੀਸਦੀ ਪੂਰਵ ਅਨੁਮਾਨ ਤੋਂ ਘੱਟ ਹੋਵੇਗੀ।

ਲਿਹਾਜਾ ਮਾਹਰਾਂ ਦਾ ਮੰਨਣਾ ਹੈ ਕਿ ਕਮਜ਼ੋਰ ਗ੍ਰੋਥ ਕਾਰਨ ਬੈਂਕ ਔਫ ਕੈਨੇਡਾ ਵਿਆਜ ਦਰਾਂ ਵਿਚ ਕਟੌਤੀ ਜਾਰੀ ਰੱਖੇਗਾ। ਮਾਹਰਾਂ ਦਾ ਕਹਿਣਾ ਹੈ ਕਿ ਤਾਜ਼ਾ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਸੈਂਟਰਲ ਬੈਂਕ ਦੇ ਹੁਣ ਤੱਕ ਦੇ ਦਰਾਂ ’ਚ ਕਟੌਤੀ ਨਾਲ ਕੈਨੇਡਾ ਦੀ ਲੜਖੜਾਉਂਦੀ ਅਰਥਵਿਵਸਥਾ ਨੂੰ ਰਫਤਾਰ ਨਹੀਂ ਮਿਲੀ ਹੈ।

ਕੈਨੇਡੀਅਨ ਚੈਂਬਰ ਆਫ ਕਾਮਰਸ ਦੇ ਸੀਨੀਅਰ ਅਰਥ ਸ਼ਾਸਤਰੀ ਐਂਡਰਿਊ ਡੀਕੈਪੁਆ ਨੇ ਇੱਕ ਨੋਟ ਵਿਚ ਕਿਹਾ ਕਿ ਇਹ ਲੇਟਸਟ ਡੇਟਾ ਕੈਨੇਡੀਅਨ ਇੰਪੀਰੀਅਲ ਬੈਂਕ ਆਫ ਕਾਮਰਸ ਦੀ ਉਸ ਮੰਗ ਦਾ ਸਮਰਥਨ ਕਰਦਾ ਹੈ, ਜਿਸ ਵਿਚ ਉਸ ਨੇ ਆਰਥਿਕਤਾ ਨੂੰ ਬੂਸਟ ਦੇਣ ਲਈ ਦਸੰਬਰ ਵਿਚ ਵਿਆਜ ਦਰਾਂ ਵਿਚ 50 ਬੇਸਿਸ ਪੁਆਇੰਟ ਦੀ ਇੱਕ ਹੋਰ ਕਟੌਤੀ ਲਈ ਸੱਦਾ ਦਿੱਤਾ ਹੈ।