ਅਗਸਤ ਵਿਚ ਜੀ.ਡੀ.ਪੀ. ਗ੍ਰੋਥ ਫਲੈਟ ਰਹਿਣ ਦੇ ਆਸਾਰ: ਸਟੈਟਿਸਟਿਕਸ ਕੈਨੇਡਾ

ਕੈਨੇਡੀਅਨ ਅਰਥਵਿਵਸਥਾ ਵਿਚ ਕਮਜ਼ੋਰੀ ਦੇ ਸੰਕੇਤ ਦੇ ਰਹੇ ਹਨ, ਜਿਸ ਦੇ ਚੱਲਦੇ ਬੈਂਕ ਆਫ ਕੈਨੇਡਾ ਨੂੰ ਵਿਕਾਸ ਦਰ ਨੂੰ ਬੂਸਟ ਦੇਣ ਲਈ ਵਿਆਜ ਦਰਾਂ ਵਿਚ ਵੱਡੀ ਕਰਨੀ ਪੈ ਸਕਦੀ ਹੈ। ਸਟੈਟਿਸਟਿਕਸ ਕੈਨੇਡਾ ਦੀ ਲੇਟਸਟ ਰਿਪੋਰਟ ਮੁਤਾਬਕ, ਅਗਸਤ ਵਿਚ ਜੀ. ਡੀ. ਪੀ. ਗ੍ਰੋਥ ਫਲੈਟ ਰਹਿਣ ਦੇ ਆਸਾਰ ਹਨ। ਇਹ ਛੇ ਮਹੀਨਿਆਂ ਵਿਚ ਜ਼ੀਰੋ ਗ੍ਰੋਥ ਦਾ ਤੀਜਾ ਮਹੀਨਾ ਹੋਵੇਗਾ।

ਹਾਲਾਂਕਿ, ਜੁਲਾਈ ਵਿਚ ਜੀ. ਡੀ. ਪੀ. 0.2 ਫੀਸਦੀ ਦੀ ਦਰ ਨਾਲ ਵਧੀ ਹੈ। ਸਟੈਟਿਸਟਿਕਸ ਵਿਭਾਗ ਮੁਤਾਬਕ, ਪ੍ਰਚੂਨ ਵਪਾਰ ਖ਼ੇਤਰ ਅਤੇ ਸੇਵਾ ਪੈਦਾ ਕਰਨ ਵਾਲੇ ਉਦਯੋਗ ਦੇ ਚੰਗੇ ਪ੍ਰਦਰਸ਼ਨ ਨਾਲ ਅਰਥਵਿਵਸਥਾ ਨੂੰ ਇਹ ਸਪੋਰਟ ਮਿਲੀ, ਜਦੋਂ ਕਿ ਜੰਗਲੀ ਅੱਗ ਕਾਰਨ ਕਈ ਇੰਡਸਟਰੀਆ ਦਾ ਕੰਮਕਾਜ ਪ੍ਰਭਾਵਿਤ ਰਿਹਾ। ਗੌਰਤਲਬ ਹੈ ਕਿ ਬੈਂਕ ਆਫ਼ ਕੈਨੇਡਾ ਮਹਿੰਗਾਈ ਦਰ ਦੇ 2 ਫੀਸਦੀ ਟੀਚੇ ਨੂੰ ਛੂਹਣ ਤੋਂ ਬਾਅਦ ਆਰਥਿਕ ਵਿਕਾਸ ’ਤੇ ਫੋਕਸ ਕਰ ਰਿਹਾ ਹੈ।

ਗਵਰਨਰ ਟਿਫ ਮੈਕਲਮ ਨੇ ਸਪੱਸ਼ਟ ਤੌਰ ’ਤੇ ਕਿਹਾ ਹੈ ਕਿ ਸੈਂਟਰਲ ਬੈਂਕ ਹੁਣ ਚਾਹੁੰਦਾ ਹੈ ਕਿ ਆਰਥਿਕਤਾ 2 ਫੀਸਦੀ ਤੋਂ ਵੱਧ ਤੇਜ਼ੀ ਨਾਲ ਵਧੇ। ਉਨ੍ਹਾਂ ਇਸ ਮਹੀਨੇ ਦੇ ਸ਼ੁਰੂ ਵਿਚ ਸੰਕੇਤ ਦਿੱਤਾ ਸੀ ਕਿ ਜੇ ਮਹਿੰਗਾਈ ਦਰ ਅਤੇ ਜੀ. ਡੀ. ਪੀ. ਵਿਚ ਉਮੀਦ ਤੋਂ ਜ਼ਿਆਦਾ ਗਿਰਾਵਟ ਆਉਂਦੀ ਹੈ ਤਾਂ ਵਿਆਜ ਦਰਾਂ ਵਿਚ ਇੱਕ ਹੀ ਵਾਰ ਵਿਚ 50 ਆਧਾਰ ਬਿੰਦੂ ਦੀ ਕਟੌਤੀ ਹੋ ਸਕਦੀ ਹੈ।