10.16C Vancouver 10.16C VancouverMay 12, 2025 7:14 PM - The Canadian Press
ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਅਪ੍ਰੈਲ ਦੇ ਸ਼ੁਰੂਆਤੀ ਅੰਕੜੇ ਦਰਸਾਉਂਦੇ ਹਨ ਕਿ ਕੈਨੇਡੀਅਨ ਨਿਵਾਸੀਆਂ ਵੱਲੋਂ ਅਮਰੀਕਾ ਤੋਂ ਵਾਪਸੀ ਯਾਤਰਾਵਾਂ ਵਿਚ ਤਿੱਖੀ ਗਿਰਾਵਟ ਦਰਜ ਹੋਈ ਹੈ।
ਏਜੰਸੀ ਮੁਤਾਬਕ ਅਪ੍ਰੈਲ ਵਿਚ ਆਪਣੀਆਂ ਗੱਡੀਆਂ ਰਾਹੀਂ ਅਮਰੀਕਾ ਤੋਂ ਵਾਪਸੀ ਕਰਨ ਵਾਲੇ ਕੈਨੇਡੀਅਨਜ਼ ਦੀ ਗਿਣਤੀ ਪਿਛਲੇ ਸਾਲ ਦੇ ਮੁਕਾਬਲੇ ਲਗਾਤਾਰ ਚੌਥੇ ਮਹੀਨੇ ਲਈ ਘਟੀ, ਜੋ 35.2% ਦੀ ਕਮੀ ਨਾਲ 1.2 ਮਿਲੀਅਨ ਦਰਜ ਹੋਈ।ਉੱਥੇ ਹੀ, ਅਪ੍ਰੈਲ ਵਿਚ ਜਹਾਜ਼ਾਂ ਰਾਹੀਂ ਅਮਰੀਕਾ ਤੋਂ ਵਾਪਸੀ ਕਰਨ ਵਾਲੇ ਕੈਨੇਡੀਅਨ ਰੈਜ਼ੀਡੈਂਟਸ ਦੀ ਗਿਣਤੀ 582,700 ਦਰਜ ਹੋਈ, ਜੋ ਪਿਛਲੇ ਸਾਲ ਨਾਲੋਂ 19.9% ਘੱਟ ਹੈ।
ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦੇ ਕੈਨੇਡੀਅਨ ਸਮਾਨ ’ਤੇ ਟੈਰਿਫ ਅਤੇ ਕੈਨੇਡਾ ਨੂੰ ਅਮਰੀਕਾ ਦਾ 51ਵਾਂ ਸੂਬਾ ਬਣਾਉਣ ਦੀ ਖ਼ਾਹਿਸ਼ ਤੋਂ ਨਾਰਾਜ਼ ਕੈਨੇਡੀਅਨਾਂ ਨੇ ਅਮਰੀਕਾ ਲਈ ਆਪਣੀਆਂ ਯਾਤਰਾਵਾਂ ਰੱਦ ਕਰ ਦਿੱਤੀਆਂ ਹਨ।
ਇਹ ਉਦੋਂ ਹੋਇਆ ਹੈ ਜਦੋਂ ਇਸ ਮਹੀਨੇ ਵਿਦੇਸ਼ਾਂ ਤੋਂ ਹਵਾਈ ਯਾਤਰਾਵਾਂ ਵਿੱਚ 9.9 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ। ਸਮੁੱਚੇ ਤੌਰ 'ਤੇ, ਸਾਰੇ ਦੇਸ਼ਾਂ ਤੋਂ ਕੈਨੇਡੀਅਨ ਵਾਪਸੀ ਯਾਤਰਾਵਾਂ ਵਿੱਚ ਸਾਲ-ਦਰ-ਸਾਲ ਸਿਰਫ਼ 1.7 ਪ੍ਰਤੀਸ਼ਤ ਦੀ ਗਿਰਾਵਟ ਆਈ ਹੈ।
ਅਮਰੀਕੀ ਨਾਗਰਿਕਾਂ ਵਲੋਂ ਕੈਨੇਡਾ ਵਿੱਚ ਯਾਤਰਾਵਾਂ ਵਿੱਚ ਵੀ ਲਗਾਤਾਰ ਤੀਸਰੇ ਮਹੀਨੇ ਗਿਰਾਵਟ ਆਈ। ਅਮਰੀਕੀਆਂ ਵਲੋਂ ਕਾਰ ਰਾਹੀਂ ਯਾਤਰਾ 10.7 ਪ੍ਰਤੀਸ਼ਤ ਅਤੇ ਹਵਾਈ ਯਾਤਰਾ 5.5 ਪ੍ਰਤੀਸ਼ਤ ਘੱਟ ਦਰਜ ਹੋਈ।
ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਅਪ੍ਰੈਲ ਵਿੱਚ ਕੈਨੇਡਾ ਵਿਚ ਕੁਲ ਅੰਤਰਰਾਸ਼ਟਰੀ ਆਗਮਨ, ਜਿਸ ਵਿੱਚ ਕੈਨੇਡੀਅਨ ਨਿਵਾਸੀ ਅਤੇ ਗੈਰ-ਨਿਵਾਸੀ ਦੋਵੇਂ ਸ਼ਾਮਿਲ ਹਨ, ਪਿਛਲੇ ਸਾਲ ਦੇ ਇਸੇ ਮਹੀਨੇ ਨਾਲੋਂ 15.2% ਘੱਟ ਦਰਜ ਹੋਇਆ।
