9.74C Vancouver 9.74C VancouverDec 1, 2020 4:34 PM -
ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਕੋਵਿਡ -19 ਦੇ ਲੌਕਡਾਊਨ ਖੁੱਲਣ ਕਾਰਣ ਇਸ ਸਾਲ ਦੀ ਤੀਸਰੀ ਤਿਮਾਹੀ ਵਿੱਚ ਆਰਥਕਤਾ ਵਿੱਚ 40.5 ਫ਼ੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ।
ਫਾਇਨਾਂਸ਼ਲ ਡਾਟਾ ਫਰਮ ਰਿਫਿਨਿਟੀਵ ਮੁਤਾਬਕ ਅਰਥ ਸ਼ਾਸਤਰੀਆਂ ਦੇ ਅਨੁਮਾਨ ਅਨੁਸਾਰ ਤੀਸਰੀ ਤਿਮਾਹੀ ਵਿੱਚ 47.6 ਫ਼ੀਸਦੀ ਵਾਧਾ ਹੋਣ ਦਾ ਅੰਦਾਜ਼ਾ ਸੀ।
ਪਿਛਲੇ ਤਿੰਨ ਮਹੀਨਿਆਂ ਦੌਰਾਨ ਗਿਰਾਵਟ ਤੋਂ ਬਾਅਦ ਜੁਲਾਈ, ਅਗਸਤ ਅਤੇ ਸਤੰਬਰ ਵਿੱਚ ਇਹ ਇੱਕ ਵੱਡੀ ਤਬਦੀਲੀ ਸੀ।
ਰਿਪੋਰਟ ਮੁਤਾਬਕ ਆਰਥਿਕਤਾ ਵਿਚ ਹੋਇਆ ਵਾਧਾ ਜਨਤਕ ਸਿਹਤ ਪਾਬੰਦੀਆਂ ਨੂੰ ਹਟਾਉਣ ਅਤੇ ਕਾਰੋਬਾਰਾਂ ਦੇ ਦੁਬਾਰਾ ਖੁੱਲ੍ਹਣ ਕਾਰਨ ਦੇਖਣ ਨੂੰ ਮਿਲਿਆ ਹੈ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਘੱਟ ਇੰਟਰਸਟ ਰੇਟਾਂ ਕਾਰਨ ਹਾਊਸਿੰਗ ਮਾਰਕੀਟ ਅਤੇ ਗੱਡੀਆਂ ਦੀ ਖਰੀਦਦਾਰੀ ਵਰਗੇ ਘਰੇਲੂ ਖ਼ਰਚਿਆਂ ਵਿੱਚ ਵੀ ਵਾਧਾ ਨਜ਼ਰ ਆਇਆ ਹੈ।
ਸਮੁੱਚੇ ਵਾਧੇ ਦੇ ਬਾਵਜੂਦ, ਰਾਸ਼ਟਰੀ ਅੰਕੜਾ ਦਫਤਰ ਦਾ ਕਹਿਣਾ ਹੈ ਕਿ ਅਸਲ ਕੁੱਲ ਘਰੇਲੂ ਉਤਪਾਦ ਅਜੇ ਵੀ ਮਹਾਂਮਾਰੀ ਤੋਂ ਪਹਿਲਾਂ ਦੀ ਤੁਲਨਾ ਵਿੱਚ ਬਹੁਤ ਘੱਟ ਹੈ।
