16.19C Vancouver 16.19C VancouverMay 8, 2020 2:04 PM -
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਅਪਰੈਲ ਮਹੀਨੇ ਵਿੱਚ ਕੈਨੇਡਾ ਵਿੱਚ ਲੱਗਭੱਗ 2 ਮਿਲੀਅਨ ਲੋਕ ਬੇਰੁਜ਼ਗਾਰ ਹੋ ਗਏ ਹਨ।
ਕੋਵਿਡ-19 ਦੇ ਫੈਲਾਅ ਨੂੰ ਘਟਾਉਣ ਲਈ ਗੈਰ ਜ਼ਰੂਰੀ ਸੇਵਾਵਾਂ ਅਤੇ ਵਪਾਰਾਂ ਨੂੰ ਆਪਣੇ ਦਰਵਾਜ਼ੇ ਬੰਦ ਕਰਨੇ ਪਏ ਸਨ, ਜਿਸ ਕਾਰਨ ਵੱਡੀ ਗਿਣਤੀ ਵਿੱਚ ਲੋਕਾਂ ਦੀਆਂ ਨੌਕਰੀਆਂ ਗਈਆਂ ਹਨ।
1,993,800 ਦੇ ਅੰਕੜੇ ਵਿੱਚ ਮਾਰਚ ਮਹੀਨੇ ਵਿੱਚ ਗਈਆਂ ਇੱਕ ਮਿਲੀਅਨ ਨੌਕਰੀਆਂ ਅਤੇ ਉਹ ਵਿਅਕਤੀ ਸ਼ਾਮਲ ਨਹੀਂ ਹਨ ਜਿਨ੍ਹਾਂ ਦੇ ਕੰਮ ਕਰਣ ਦੇ ਘੰਟਿਆਂ ਅਤੇ ਤਨਖ਼ਾਹਾਂ ਵਿੱਚ ਕਟੌਤੀ ਦੇਖਣ ਨੂੰ ਮਿਲੀ।
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਮਹਾਂਮਾਰੀ ਕਾਰਣ ਬੇਰੁਜ਼ਗਾਰੀ ਦੀ ਦਰ ਅਪਰੈਲ ਵਿੱਚ 13.0 ਫੀਸਦੀ ਤੱਕ ਪਹੁੰਚ ਗਈ ਜਦ ਕਿ ਮਾਰਚ ਵਿੱਚ ਇਹ 7.8 ਫ਼ੀਸਦੀ ਸੀ।
ਨੌਕਰੀਆਂ ਵਿਚ ਵੱਡੀ ਕਟੌਤੀ ਸਰਵਿਸ ਖੇਤਰ ਤੋਂ ਇਲਾਵਾ ਕੰਸਟਰਕਸ਼ਨ ਅਤੇ ਉਤਪਾਦਨ ਦੇ ਖੇਤਰਾਂ ਵਿੱਚ ਵੀ ਦੇਖਣ ਨੂੰ ਮਿਲੀ।
ਫਾਈਨੈਂਸ਼ਲ ਮਾਰਕੀਟ ਡਾਟਾ ਫਰਮ ਰਫਿਨਿਟੀਵ ਮੁਤਾਬਕ ਅਰਥਸ਼ਾਸਤਰੀਆਂ ਦਾ ਅੰਦਾਜ਼ਾ ਸੀ ਕਿ 4 ਮਿਲੀਅਨ ਲੋਕ ਬੇਰੁਜ਼ਗਾਰ ਹੋਣਗੇ ਅਤੇ ਬੇਰੁਜ਼ਗਾਰੀ ਦੀ ਦਰ 18 ਫੀਸਦੀ ਤੱਕ ਪਹੁੰਚ ਜਾਵੇਗੀ।
ਬੇਰੁਜ਼ਗਾਰੀ ਦੀ ਦਰ 17.8 ਫੀਸਦੀ ਹੋ ਸਕਦੀ ਸੀ ਜੇ ਏਜੰਸੀ ਦੇ ਲੇਬਰ ਫੋਰਸ ਸਰਵੇਖਣ ਵਿੱਚ ਉਨ੍ਹਾਂ 1.1 ਮਿਲੀਅਨ ਵਿਅਕਤੀਆਂ ਨੂੰ ਵੀ ਗਿਣਿਆ ਜਾਂਦਾ ਜਿਨ੍ਹਾਂ ਨੇ ਘੱਟ ਨੌਕਰੀਆਂ ਕਾਰਣ ਰੁਜ਼ਗਾਰ ਦੀ ਭਾਲ ਬੰਦ ਕਰ ਦਿੱਤੀ ਸੀ।
