ਕੈਨੇਡਾ ਦੀ ਜਨਸੰਖਿਆ ਵਿਚ ਵਾਧੇ ਦੀ ਰਫ਼ਤਾਰ ਹੋਈ ਮੱਧਮ

ਕੈਨੇਡਾ ਦੀ ਜਨਸੰਖਿਆ ਵਿਚ ਵਾਧੇ ਦੀ ਰਫ਼ਤਾਰ ਮੱਧਮ ਹੋ ਗਈ ਹੈ। ਇਹ ਉਦੋਂ ਹੈ ਜਦੋਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਸਰਕਾਰ ਇਮੀਗ੍ਰੇਸ਼ਨ ਵਿਚ ਕਟੌਤੀ ਕਰ ਰਹੀ ਹੈ। ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, 1 ਜੁਲਾਈ ਨੂੰ ਸਮਾਪਤ ਹੋਏ ਕੁਆਰਟਰ ਵਿਚ ਕੈਨੇਡਾ ਨੇ 2020 ਤੋਂ ਬਾਅਦ ਪਹਿਲੀ ਵਾਰ ਜਨਸੰਖਿਆ ਵਿਚ ਹੌਲੀ ਵਾਧਾ ਦਰਜ ਕੀਤਾ ਹੈ।

1 ਜੁਲਾਈ ਤੱਕ ਦੇ 3 ਮਹੀਨਿਆ ਵਿਚ ਲਗਭਗ 250,000 ਲੋਕ ਕੈਨੇਡਾ ਦੀ ਆਬਾਦੀ ਵਿਚ ਜੁੜੇ, ਜੋ ਕਿ 0.6 ਫੀਸਦੀ ਦਾ ਤਿਮਾਹੀ ਵਾਧਾ ਹੈ। 2023 ਦੀ ਦੂਜੀ ਤਿਮਾਹੀ ਵਿਚ ਇਹ ਦਰ 0.8 ਫੀਸਦੀ ਸੀ। ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਜਨ ਸੰਖਿਆ ਵਿਚ ਅੰਤਰਰਾਸ਼ਟਰੀ ਪ੍ਰਵਾਸ ਰਾਹੀਂ 240,303 ਲੋਕ ਜੁੜੇ, ਉਥੇ ਹੀ ਜਨਮ ਅਤੇ ਮੌਤ ਵਿਚਕਾਰ ਅੰਤਰ ਦੇ ਹਿਸਾਬ ਨਾਲ 9,926 ਲੋਕ ਆਬਾਦੀ ਵਿਚ ਸ਼ਾਮਲ ਹੋਏ।

ਏਜੰਸੀ ਮੁਤਾਬਕ, ਐਲਬਰਟਾ ਨੇ 1.0 ਫੀਸਦੀ ਦਰ ਨਾਲ ਆਬਾਦੀ ਵਿਚ ਸਭ ਤੋਂ ਤੇਜ਼ ਵਾਧਾ ਦਰਜ ਕੀਤਾ, ਜਦੋਂ ਕਿ ਉੱਤਰ ਪੱਛਮੀ ਪ੍ਰਦੇਸ਼ ਨੇ 0.1 ਫੀਸਦੀ ਨਾਲ ਸਭ ਤੋਂ ਸਲੌ ਗ੍ਰੋਥ ਦਰਜ ਕੀਤੀ।

ਰਿਪੋਰਟ ਮੁਤਾਬਕ, ਆਬਾਦੀ ਵਿਚ ਵਾਧੇ ਦੀ ਹੌਲੀ ਰਫ਼ਤਾਰ ਪ੍ਰਮੁੱਖ ਤੌਰ ’ਤੇ ਸਟੱਡੀ ਪਰਮਿਟ ਹੋਲਡਰ ਦੀ ਗਿਣਤੀ ਘੱਟ ਹੋਣ ਨਾਲ ਹੋਈ ਹੈ। 1 ਜੁਲਾਈ ਤੱਕ ਕੈਨੇਡਾ ਦੀ ਕੁੱਲ ਆਬਾਦੀ 41,288,599 ਦਰਜ ਕੀਤੀ ਗਈ ਹੈ।