9.12C Vancouver 9.12C VancouverFeb 15, 2022 1:31 AM - The Canadian Press
ਵੈਨਕੂਵਰ ਦੇ ਵਿੱਚ 31ਵੇਂ ਵਿਮੈਨਸ ਮੈਮੋਰੀਅਲ ਮਾਰਚ ਦੌਰਾਨ ਗੈਸੀ ਜੈਕ ਸਟੈਚੂ ਨਾਲ ਤੋੜਭੰਨ ਕੀਤੀ ਗਈ ਹੈ।
ਇਸ ਸੰਬੰਧੀ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਹੈ।
ਵਾਟਰ ਸਟਰੀਟ 'ਤੇ ਸਥਿਤ ਗੈਸੀ ਜੈਕ ਸਟੈਚੂ ਨੂੰ ਡੇਗਣ ਮੌਕੇ ਅਤੇ ਇਸ ਨੂੰ ਡੀਫੇਸ ਕੀਤੇ ਜਾਣ ਮੌਕੇ ਸੈਂਕੜੇ ਲੋਕਾਂ ਵੱਲੋਂ ਚੀਅਰ ਕੀਤਾ ਜਾ ਰਿਹਾ ਸੀ।
ਸਟੈਚੂ 'ਤੇ ਲਾਲ ਪੇਂਟ ਛਿੜਕ ਦਿੱਤਾ ਗਿਆ ਸੀ।
ਯਾਦ ਰਹੇ ਇਹ ਸਟੈਚੂ ਜੈਕ ਡੇਟਨ ਨਾਲ ਸੰਬੰਧਤ ਹੈ ਅਤੇ ਇਸ ਨੂੰ ਲੈਕੇ ਬੀਤੇ ਕੁਝ ਸਾਲਾਂ 'ਚ ਵਿਵਾਦ ਰਹੇ ਹਨ।
ਸਾਲ 2020 'ਚ ਇਸ ਸਟੈਚੂ ਨੂੰ ਹਟਾਉਣ ਸੰਬੰਧੀ ਪਟੀਸ਼ਨ ਵੀ ਪਾਈ ਗਈ ਸੀ।
ਯਾਦ ਰਹੇ ਅੱਜ ਵੈਨਕੂਵਰ 'ਚ ਵੈਨਕੂਵਰ 'ਚ ਵਿਮੈਨਸ ਮੈਮੋਰੀਅਲ ਮਾਰਚ ਦਾ ਪ੍ਰਬੰਧ ਕੀਤਾ ਗਿਆ ਸੀ।
ਲਾਪਤਾ ਜਾਂ ਕਤਲ ਹੋਈਆਂ ਔਰਤਾਂ ਦੇ ਦੁੱਖ 'ਚ ਇਸ ਮਾਰਚ ਦਾ ਪ੍ਰਬੰਧ ਕੀਤਾ ਗਿਆ।
ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਇਸ ਮਾਰਚ ਜਰੀਏ ਇਨਸਾਫ ਦੀ ਵੀ ਮੰਗ ਕੀਤੀ ਜਾ ਰਹੀ ਹੈ ਅਤੇ ਸਿਸਟਮਿਕ ਮਸਲਿਆਂ 'ਚ ਬਦਲਾਅ ਲਿਆਉਣ ਲਈ ਵੀ ਮੰਗ ਕੀਤੀ ਜਾ ਰਹੀ ਹੈ।
ਇਸ ਪ੍ਰਕਾਰ ਦਾ ਪਹਿਲਾ ਮਾਰਚ ਸਾਲ 1992 'ਚ ਕੱਢਿਆ ਗਿਆ ਸੀ।
ਉਸ ਵੇਲੇ ਪੌਵੈਲ ਸਟਰੀਟ 'ਤੇ ਹੋਏ ਇੱਕ ਔਰਤ ਦੇ ਕਤਲ ਦੇ ਮਾਮਲੇ 'ਚ ਮਾਰਚ ਕੱਢਿਆ ਗਿਆ ਸੀ।
ਪ੍ਰਬੰਧਕਾਂ ਵੱਲੋਂ ਮੰਗ ਕੀਤੀ ਗਈ ਸੀ ਕਿ ਮੌਕੇ 'ਤੇ ਕਿਸੇ ਪ੍ਰਕਾਰ ਦੇ ਝੰਡੇ ਜਾਂ ਚਿੰਨ ਨਾ ਲਿਆਏ ਜਾਣ ਅਤੇ ਮਾਰਚ ਦੌਰਾਨ ਸਿਰਫ ਔਰਤਾਂ ਦੀ ਯਾਦ ਅਤੇ ਇਨਸਾਫ ਸੰਬੰਧੀ ਚਿੰਨ ਰੱਖਣ ਦਾ ਪਲੈਨ ਦੱਸਿਆ ਗਿਆ ਸੀ।
