ਮਿਸ਼ਨ ਵਿੱਚ ਚੋਰੀ ਹੋਇਆ ਸਕਿੱਡ-ਸਟੀਅਰ ਬਰਾਮਦ

ਬੀ. ਸੀ. ਵਿਚ ਹੋਪ ਨੇੜੇ ਇੱਕ ਉਸਾਰੀ ਵਾਲੀ ਥਾਂ ਤੋਂ ਚੋਰੀ ਹੋਇਆ $150,000 ਤੋਂ ਵੱਧ ਕੀਮਤ ਦਾ ਇੱਕ ਸਕਿਡ-ਸਟੀਅਰ ਲੋਡਰ ਪੁਲਿਸ ਨੇ ਮਿਸ਼ਨ ਵਿਚ ਬਰਾਮਦ ਕੀਤਾ ਹੈ। ਇਨਵੈਸਟੀਗੇਟਰਸ ਮੁਤਾਬਕ, ਇਹ ਸਕਿਡ-ਸਟੀਅਰ 1-2 ਸਤੰਬਰ ਦੀ ਦਰਮਿਆਨੀ ਰਾਤ ਨੂੰ ਚੋਰੀ ਹੋਇਆ ਸੀ ਅਤੇ ਜਾਂਚ ਵਿਚ ਪਤਾ ਲੱਗਾ ਕਿ ਇਹ ਮਿਸ਼ਨ ਵਿਚ ਇੱਕ ਪੇਂਡੂ ਜਾਇਦਾਦ ਵਿਚ ਲਿਜਾਇਆ ਗਿਆ ਹੈ।

ਟੀਮ ਵਿਚ ਕੰਮ ਕਰਦੇ ਹੋਏ ਮਿਸ਼ਨ ਆਰ.ਸੀ.ਐਮ.ਪੀ. ਦੀ ਕ੍ਰਾਈਮ ਰਿਡਕਸ਼ਨ ਯੂਨਿਟ ਨੇ ਇਸ ਸਬੰਧ ਵਿਚ ਕੈਮਰਨ ਐਵੇਨਿਊ ਕੋਲ ਇੱਕ ਵੱਡੇ ਖੇਤਰ ਵਿਚ ਛਾਪੇਮਾਰੀ ਕੀਤੀ, ਜਿਥੇ ਚੋਰੀ ਹੋਇਆ ਸਕਿਡ-ਸਟੀਅਰ ਅਤੇ ਹੋਰ ਸਬੂਤ ਮਿਲੇ। ਮੌਕੇ ਉਤੇ ਦੋ ਸ਼ੱਕੀ ਹਿਰਾਸਤ ਵਿਚ ਲਏ ਗਏ ਅਤੇ ਹੋਰ ਸਬੂਤ ਪ੍ਰਾਪਤ ਕਰਨ ਲਈ ਲੋਅਰ ਮੇਨਲੈਂਡ ਇੰਟੀਗ੍ਰੇਟਿਡ ਫੋਰੈਂਸਿਕ ਆਈਡੈਂਟੀਫਿਕੇਸ਼ਨ ਸਰਵਿਸਿਜ਼ ਯੂਨਿਟ ਨੂੰ ਵੀ ਬੁਲਾਇਆ ਗਿਆ।

ਮਿਸ਼ਨ ਆਰ.ਸੀ.ਐਮ.ਪੀ. ਦੇ ਇੰਚਾਰਜ ਅਧਿਕਾਰੀ ਇੰਸਪੈਕਟਰ ਟੇਡ ਲੇਵਕੋ ਨੇ ਕਿਹਾ ਕਿ ਇਸ ਜਾਂਚ ਵਿਚ ਬਿਹਤਰ ਟੀਮ ਵਰਕ ਹੋਇਆ, ਉਨ੍ਹਾਂ ਦੱਸਿਆ ਕਿ ਸਕਿਡ-ਸਟੀਅਰ ਨੂੰ ਨਾ ਸਿਰਫ ਉਸ ਦੇ ਮਾਲਕ ਹਵਾਲੇ ਕਰਨ ਵਿਚ ਕਾਮਯਾਬੀ ਮਿਲੀ ਸਗੋਂ ਹੋਰ ਅਪਰਾਧਿਕ ਗਤੀਵਿਧੀਆਂ ਨਾਲ ਸੰਭਾਵੀ ਲਿੰਕਸ ਦੀ ਵੀ ਪਛਾਣ ਕੀਤੀ ਗਈ ਹੈ।