24.44C Vancouver 24.44C VancouverJun 29, 2022 1:02 AM - Connect News
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇੱਕ ਚੋਰੀ ਕੀਤੇ ਵਾਹਨ ਸੰਬੰਧੀ ਜਾਂਚ ਦੌਰਾਨ ਹਥਿਆਰ ਅਤੇ ਡਰੱਗਸ ਬਰਾਮਦ ਹੋਏ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਜਾਂਚ ਦੌਰਾਨ ਇੱਕ ਹੈਂਡਗਨ, 2 ਭਰੇ ਹੋਏ ਮੈਗਜੀਨ, 177.48 ਗਰਾਮ ਸ਼ੱਕੀ ਕ੍ਰਿਸਟਲ ਮੈਥਮਫਿਟਾਮੀਨ, 152 ਗਰਾਮ ਸ਼ੱਕੀ ਫੈਂਟਾਨਿਲ, 122 ਗਰਾਮ ਸ਼ੱਕੀ ਕੋਕੇਨ ਅਤੇ $705 ਕੈਸ਼ ਬਰਾਮਦ ਕੀਤਾ।
ਕਾਂਸਟੇਬਲ ਗੁਰਵਿੰਦਰ ਘੱਗ ਨੇ ਕਿਹਾ ਕਿ ਇਸ ਬਰਾਮਦਗੀ ਆਸਰੇ ਫੈਂਟਾਨਿਲ ਦੀਆਂ 1520 ਜਾਨਲੇਵਾ ਸਾਬਿਤ ਹੋ ਸਕਦੀਆਂ ਖੁਰਾਕਾਂ ਸਟ੍ਰੀਟ ਤੋਂ ਹਟਾ ਦੇਣ 'ਚ ਕਾਮਯਾਬੀ ਮਿਲੀ ਹੈ।
ਮਾਮਲਾ 15 ਜੂਨ ਦਾ ਦੱਸਿਆ ਗਿਆ ਹੈ।
ਕਾਂਸਟੇਬਲ ਗੁਰਵਿੰਦਰ ਘੱਗ ਨੇ ਦੱਸਿਆ ਕਿ ਅਫਸਰਾਂ ਨੇ ਇੱਕ ਚੋਰੀ ਦਾ ਵਾਹਨ 144 ਸਟ੍ਰੀਟ ਦੇ 8400 ਬਲੌਕ 'ਚ ਜਾਂਦਾ ਵੇਖਿਆ ਸੀ।
ਵਾਹਨ 'ਚ 3 ਲੋਕ ਸਵਾਰ ਸਨ। ਇਸ ਵਾਹਨ 'ਤੇ ਏਅਰ 1 ਹੈਲੀਕਾਪਟਰ ਆਸਰੇ ਨਜਰ ਰੱਖੀ ਗਈ ਅਤੇ ਪੁਲਿਸ ਅਨੁਸਾਰ ਇਹ ਵਾਹਨ 24 ਐਵੀਨਿਊ ਦੇ 15300 ਬਲੌਕ ਕੋਲ ਜਾ ਕੇ ਰੁਕਿਆ।
ਇਸ ਤੋਂ ਬਾਅਦ ਪੁਲਿਸ ਨੇ ਤਿੰਨੇ ਲੋਕਾਂ ਨੂੰ ਹਿਰਾਸਤ 'ਚ ਲੈ ਲਿਆ।
ਮਾਮਲੇ ਦੀ ਜਾਂਚ ਦੇ ਚਲਦਿਆਂ 2 ਲੋਕਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਪਰ 25 ਸਾਲਾ ਵਾਹਨ ਚਾਲਕ ਔਰਤ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ।
ਉਸ 'ਤੇ ਹਥਿਆਰਾਂ ਸੰਬੰਧਤ ਦੋਸ਼ ਲੱਗੇ ਹਨ।
