14.35C Vancouver 14.35C VancouverApr 8, 2022 7:31 PM - The Canadian Press
ਯੂਕਰੇਨ ਦੇ ਸ਼ਹਿਰ ਕ੍ਰੇਮਾਟੋਰਸਕ ਦੇ ਇੱਕ ਟ੍ਰੇਨ ਸਟੇਸ਼ਨ ਤੇ ਮਿੱਸਾਈਲ ਨਾਲ ਕੀਤੇ ਹਮਲੇ ਵਿੱਚ ਕਰੀਬ 50 ਲੋਕਾਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ।
ਇਸ ਥਾਂ ਤੋਂ ਸਾਹਮਣੇ ਆ ਰਹੀਆਂ ਤਸਵੀਰਾਂ ਵਿੱਚ ਆਮ ਲੋਕਾਂ ਦੀਆਂ ਲਾਸ਼ਾਂ ਪਈਆਂ ਦੇਖੀਆਂ ਜਾ ਸਕਦੀਆਂ ਹਨ।
ਜਿਹੜਾ ਰਾਕੇਟ ਦਾਗਿਆ ਗਿਆ ਉਸ ਦੇ ਟੁਕੜਿਆਂ ਤੇ ਰੂਸੀ ਵਿੱਚ ਲਿਖਿਆ ਹੋਇਆ ਸੀ ਕਿ ਇਹ ਬੱਚਿਆਂ ਲਈ ਸੀ।
ਯੂਕਰੇਨ ਦੇ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਜਿਸ ਸਮੇਂ ਇਹ ਹਮਲਾ ਹੋਇਆ ਉਸ ਸਮੇਂ ਕਰੀਬ 4000 ਆਮ ਲੋਕ ਇਸ ਸਟੇਸ਼ਨ ਦੇ ਅੰਦਰ ਜਾਂ ਨੇੜੇ ਮੌਜੂਦ ਸਨ।
ਇਹਨਾਂ ਵਿੱਚ ਵੀ ਵੱਡੀ ਗਿਣਤੀ ਉਹਨਾਂ ਔਰਤਾਂ ਅਤੇ ਬੱਚਿਆਂ ਦੀ ਸੀ ਜੋ ਮੁਲਕ ਛੱਡ ਕੇ ਜਾਣ ਦੀ ਕੋਸ਼ਿਸ਼ ਕਰ ਰਹੇ ਸਨ।
ਰੂਸ ਦੇ ਰੱਖਿਆ ਮੰਤਰਾਲੇ ਨੇ ਸਟੇਸ਼ਨ ਤੇ ਹੋਏ ਇਸ ਹਮਲੇ ਦੀ ਜ਼ਿਮੇਵਾਰੀ ਲੈਣ ਤੋਂ ਇਨਕਾਰ ਕੀਤਾ ਹੈ।
ਉਧਰ ਯੂਕਰੇਨ ਦੇ ਰਾਸ਼ਟਰਪਤੀ ਵਲਦੀਮੀਰ ਜ਼ੈਲੇਨਸਕੀ ਨੇ ਇਸ ਹਮਲੇ ਪਿੱਛੇ ਰੂਸ ਦੀ ਫੌਜ ਨੂੰ ਜ਼ਿਮੇਵਾਰ ਠਹਿਰਾਇਆ ਹੈ।
